పుట:వెలుగోటివారి వంశావళి.pdf/216

152

వెలుగోటివారి వంశావళి

⁠

అక్షీణబలుఁ డైన దక్షుని తలఁ ద్రుంచి         నిలిచిన శరభేశు నీటు దనరి దశకంఠలుంఠనోద్దండుఁ డైన ప్రతాప         రామభద్రస్వామి రహి వహించి క్రుద్ధకౌరవగదాయుద్ధమధ్యాటోప         భీమసేనాగ్రహోద్దామలీలఁ బెకలి యినుమాఱు తరతరాలకును జాల గుట్టు చెడఁ గొట్టితివి గోలకొండ బలము తమి వెలుగోటి వేంకట ధరణిధవుని సింగధాత్రీకళత్ర యూర్జితచరిత్ర.

⁠ 461

శా.⁠

నిన్నా మొన్నటి కన్నెమన్నెదొరలన్ నీతో సమానంబుగా నెన్నేలా గెటు లద్భుతావహము[1] లూహింపంగ నీశౌర్యశుం భన్నానాగుణవైఖరుల్ భళి నుతింపన్ నీదిరా డాక మా యన్నా వెల్గొటి[2] వేంకటాధిపునిసింగా సంగరాభంగురా.

⁠ 462

మ.⁠

ఒకమన్నీఁడు కరాకరిన్ దొడరి నీ హుర్మత్తు సైరించి నీఁ గక[3] నిల్వంగలఁడా రణస్థలుల శంకాతంకమున్ లేని మ న్నెకుమారుండవు నీవెరా రణజయోన్నిద్రా బుధాభీష్టదా యక[4] మావెల్గొటి వేంకటాధిపునిసింగా సంగరాభంగురా.

⁠ 463

శా.⁠

ధీరోదాత్తగుణోత్తరుండ వగు నిన్ దీవింప లేనట్టి యా నోరున్ నోరె నినుం గనుంగొనని కన్నుల్ కన్నులె నీదయా సారం బానని యర్థి యర్థియె మహీచక్రావనప్రక్రియో దారాంభోధర[5]ఘోరసారశరధారాసారవిస్ఫూర్జితుల్ గా రంతే వెలుగోటి వేంకటయసింగా మండలాఖండలా.

⁠ 464

1. B. హవము
2. A.B. వెలుగోటి
3. A.B. నేగక
4. A.B. దాయన
5. A.B. దారంభోధర