పుట:వెలుగోటివారి వంశావళి.pdf/157

వెలుగోటివారి వంశావళి

93

⁠

వులప ల్నాగులపాడు వాడపలియు న్నువ్వెత్తుగాఁ[1] జేకొనెన్ భళి వెల్గోటికుమారతిమ్మఁడు ధరాభర్తల్ భయం బందఁగాన్.

⁠ 263

మ.⁠

రఘురాముం డెఱదిమ్మరా జనుపఁగా రంజిల్ల హన్మంతుఁడై[2] ఖగరాజై వెలుగోటితిమ్మఘనుఁడే గాంభీర్యశౌర్యంబులన్ బగవారిం దెగటార్చి రాజహితుఁడై భాసిల్లె నెల్లప్పుడున్ దగు నారాజుకు మన్నెశేఖరునకున్ దద్వైఖరిన్ బోల్పఁగన్.

⁠ 264

చ.⁠

తివిరి నితాంతకుంతమునఁ దిమ్మయతిమ్మవిభుండు గ్రుమ్మినన్ యవనులు నేలఁ గూలు సమయంబున నాలుక సాఁచి తత్తను స్స్రవదరుణంబుఁ గ్రోలి ఫెలుచన్ దిశ లల్లలనాడ ద్రేఁచు[3] భీ మవిధిని గొండవీటికడ మండలదీవిని భూతజాలముల్.

⁠ 265

వ.⁠

అతని కుమారుండు.

⁠ 266

సీ.⁠

తన జనార్దననామమునకు భూషణముగా         జనులఁ బోషించు నాసక్తిఁ దొడరి భూపతిత్వము దాల్చు భువనమోహనమైన         సౌందర్య[4]విభ్రమచ్ఛాయఁ బ్రబలి బంధుమిత్రామాత్యసంధానసౌభాగ్య         పరమసంపత్కరప్రౌఢిఁ దనరి సింహాసనమున విచిత్రకారణముగా         సకలపాండిత్యబు సంగ్రహించి పూని రేచర్లకులవార్ధిపూర్ణచంద్రుఁ డనఁగ మారకపురిచెన్నుఁ డవతరించె వేడ్క వెలుగోటిగనితిమ్మవిభుకుమార తిమ్మయప్రభు చెన్నపృథ్వీశ్వరుండు.

⁠ 267

1. A.B. ఉచ్చారణసామ్యమువలన భ్రమపడి కవి 'వు' 'ఉ' లకు యతిమైత్రి కల్పించియుండవచ్చును.
2. A.B. రఘురాముం డెరదిమ్మరాజు వద్దన్ రంజిల్లు హనుమంతుడై. ఇందు వర్గప్రాస ముపయుక్తము.
3. B. ద్రెచ్చు
4. A.B. సొంపారు