పుట:వెలుగోటివారి వంశావళి.pdf/117

వెలుగోటివారి వంశావళి

53

ఉ.⁠

ఆర్గురుచక్రవర్తులు పదార్గురురాజులు దక్క నన్యరా డ్వర్గము నీసమాన మనవచ్చునె బాహుపరాక్రమక్రియా భర్గసమాన[1] సోమకులభార్గవరామ కొమారలింగ స న్మార్గపరంపరాభిమతమంగళమూర్తి విశాలకీర్తులన్.

⁠ 127

సీ.⁠

హెమ్మాడదేవునికి నేపారఁ జూటూరి         సూరునిఁ బాశము ధారుణీశు గోవర్ధనుని సోమదేవభూవల్లభుఁ         దెగువచెండువరాయదేవనృపతి నప్పచిచెన్రాజు నారాఘవాఖ్యుని         నేచి విఠ్ఠలదేవు రాచవారిఁ దిరుమలేంద్రుని నన్నదేవు శ్రీనాథుని         వీరాదిగాఁ గల విభులఁ దొల్లి

⁠

గీ.⁠

చంపి జయముఁ గొనియెఁ[2] జాళిక్యభూపాల విదళనుండు[3] సింగవిభునిమాదు సమరమందు గెలువు సంబెటపిన్నని విభవసంగ మాదవిభునిలింగ.

⁠ 128

క.⁠

అంభోనిధినలయములోఁ గుంభిని గల రాజులెల్లఁ గూలిరి నీచే రంభాతిలోత్తమాదుల[4] సంభోగముకొఱకు మాదజనపతిలింగా.

⁠ 129

క.⁠

సురథాను గెల్చినాఁడవు నరవరు ధట్టించి పంచినాఁడవు మున్నే కరిరాజుఁ దోలినాఁడవు సరియెవ్వరు నీకు మాదజనపతిలింగా.

⁠ 130

వ.⁠

ఆలింగమ[5]నేఁడె యశ్వపతి గజపతుల గెల్చి మూరురాయరగండబిరుదు

⁠

1. A.B. భలర్గ
2. A.B. చేకొనియె
3. A.B. విదళితుండు
4. A.B. రంభాదిమేనకాదులు
5. A.B. సింగమ