కనుపట్టినది. ఒక తార్కాణము, భరతాశ్రమమున లేడిపిల్ల సంచారము వర్ణించుపట్టు.
మూలము.
| |
చచారాశ్రమపర్యంతే తృణాని గహనేషునః।
దూరంగత్వా చశార్దూల త్రాసాదభ్యాయయౌపునః॥
ప్రాతర్గత్వాతి దూరంచ సాయమాయాత్త దాశ్రమమ్।
పునశ్చ భరతస్యా భూత్ ఆశ్రమస్యోట జాజిరే॥
|
|
సూరన
| సీ. |
పూరి మేయగ దవ్వుపోయి బెబ్బులిపిండు, దిగులునఁ గ్రమ్మఱఁ దిరిగివచ్చు
సారెసారెకుఁ దదాశ్రమసమీపమ్మున, వేడ్కతో గంతులు వేయుచుండు
మలయుచు వచ్చి కోమలయుగ్మశృంగంబు, చేత నెమ్మేని కండూతిఁ దీర్చు
యోగాసనంబున బాగు మీరగనుండ, మవ్వంపుతొడలపైఁ బవ్వళించు
|
|
| గీ. |
పర్ణశాలచుట్టు పరువులు పెట్టుచు, లేతయైన పూరి మేత మేయు
ననుదినంబు నిట్టు లామృగశాబంబు, ముద్దుచూపుచుండు మునివరునకు
|
|
భాగవతము.
| చ. |
గురువులు వాఱి, బిట్టుఱికి కొమ్ముల జిమ్ముచు నంతకంత డ
గ్గఱచును గాలు ద్రవ్వుచు నఖంబుల గీఱుచు గాసి సేయుచు
న్నొఱగుచు ధారుణీశ్వరునియూరువులల న్శయనించి యంతలో
నఱకడ యెక్కుచున్ బొదవియాడుచు నాహరిణంబులీలతోన్.
|
|
భావనారాయణ
| సీ. |
నటనగా నుటజాంగణమున గంతులు వేయు, మురియుచు నవకుశముష్టి మేయు
కండూతి వో ఖురాగ్రముల నంగము గోకు, వెఱమృగంబులఁ జూచి బెదఱి పఱచు
తరుణరసాలపోతముల ప్రక్కలు రాయు, పలుమారు కుంజగర్భములు దూరు
దూరంబుగా నటవీరాజిఁ బడి పోవు, వేవేగ మగుడి యావిర్భవించు
|
|
| గీ. |
కెలనఁ దననీడఁ గన్గొని క్రేళ్లు దాటు, నేల మూర్కొని పలుమారు నింగి చూచు
నలసి శయనించి రోమంధ మాచరించు, తరుణమృగశాబ మారాచతపసియెదుట.
|
|
పైనుదాహరించిన పద్యములలో నీపద్యము లలితలలితమై, స్వభావోక్తిగుంభితమై యెంతయో మనోహరముగా నున్నదనుటకు సంశయము లేదు.
