| చ. |
కనుగొని యంత సంభ్రమత గాఢముదర్ణవమగ్నుఁడై మహా
ముని తనివొకరెప్పకముంచిన యశ్రులు గండపాళిపైఁ
జినుకఁగఁ గంటకప్రతతి చెందిన యంగము పొంగ భక్తిఁ గ్ర
క్కున ధరఁ జాగి మ్రొక్కిడియె గోష్ఠవిహారికి కంసవైరికిన్.
| 456
|
| గీ. |
మ్రొక్కి లేచి హస్తములు ముకుళించి, మౌళ్యగ్రసీమ నిల్పి హర్షగద్గ
దస్వరంబు గళపథమ్మున మెల్లనె, యేగుదేర భక్తి నిట్లు పొగడె.
| 457
|
| వ. |
జయజయ సకలజగదుద్భవస్థితివిలయకారణభూతప్రభావ, భావభవకోటి
సౌందర్యధుర్యదివ్యవిగ్రహ, గ్రహపతిరోచిస్సహస్రప్రభాదుర్దర్శసుద
ర్శనదర్శనభయలోకాలోకగుహాంతరవిలీనదైతేయతమోవార, వారణరాజ
రక్షావిచక్షణా, క్షణదాచరప్రమోషితనిగమసందోహపునర్దానసంతోషిత
కమలభవకృతస్తోత్రసంతతానంద, నందత్సురాసురమహాభారపారావార
మగ్నమంథానశైలనిర్వహణమహిమసంజాతనూతనసుధాపానోన్మనస్సు
మనస్సముదాయకృతాదర, దరవిదళత్కేతకిముకుళాభదంష్ట్రాగ్రసముద్ధృత
ధరణీతరుణీసమాగమరోమాంచితమహాదేహవరాహ, వరాహవధరణ్య
గ్రగణ్యహిరణ్యకశిపువక్షోవిక్షోభసంభూతప్రభూతరుధిరాభిషేకాశోక
ముకుళతిరస్కారిహారినఖరాగ్రవిద్యోతమాన, మాననీయశ్రీపాదారవింద
నిష్యందిమకరందబిందుధారాయితమందాకినీప్రవాహాపాదితాశేషభువన
వనధివేష్టతక్షితీశాననవిరాజిరాజన్యరాజికాసనప్రజ్వలత్తనూనపాత్కీలా
భీలకుఠారధారాజాగ్రద్భుజాగ్రమునిశేఖర, ఖరదూషణత్రిశిరోముఖవిరోధి
శిరోధిగళద్రక్తధారాస్వాదామోదజవవత్పత్రివిక్షేపణక్రీడాసదోహల, హల
ముఖనిర్భిన్నయామునాంభఃప్రవాహ, వాహదేహధారిక్షపాచారివిదారి
భయంకరాలోక, లోకజిద్ధర్మత్యాజితపౌతనారివ్రతమండల, మండలభ్రమణ
చతురతురగఖురపుటనిరశితయవనకరోటిపరంపరపరవాసుదేవ, దేవ
సార్వభౌమస్వర్గశ్రీపురుషోత్తమనాథ, శ్రీజగన్నాథా! విజయీభవ దిగ్విజ
యీభవ.
| 458
|
అనులోమకందము-విలోమార్య
| |
మారపితా నిజఘనదయ, సారసనాభా సమహిమ, సరనుతవరదా
తేరినతిగలనుతిమనవి, చేరు సురదదాసమతవశిధనాధారా.
| 459
|
తెనుంగున కందము - అదేశ్లోకము
| |
నను నేలేననివాసికి, మసు నీలా గేది గురుతు మానకు భాగే
ననవయ యిందుల పనరయ, మనవలదా, వటమిదంత యాం తేజమయా.
| 460
|
