అని పలికినపలు కమృతరసముపగిదిఁ జెవులం జినికిన నలరి కనుగవ విచ్చి యచ్చి
ఱుతపాపం డగ్రభాగంబునఁ గులిశాదిరేఖాభరణంబు లగుట నిసర్గసుందరారవింద
ప్రభవప్రభాసంభరణంబులగు శ్రీచరణంబులుఁ జరణాగ్రసమాశ్రితముక్తా
కారంబులగు నఖాంకురంబులును, నఖాంకురచంద్రకళాధరసర్వమంగళా
వాసపదదివ్యనగఫలద్వయంబులగు గుల్ఫద్వయంబును, గుల్ఫద్వయసపుష్కర
మహాశావారణకరకాండసముద్దండంబులగు జంఘాకాండంబులును, జంఘా
కాండమండనాయితంబులగు జానుస్తబకంబులును, జానుస్తబకశుంభదూరు
రంభాస్తంభంబులును, ఊరురంభాస్తంభజననకనకసైకతాయితనితంబబిం
బంబును, నితంబబింబసమావరకమణీమేఖలాంతరితహైమోపసంవ్యాన
కాంతి సరస్వతీప్రవాహావర్తాయితనాభిసరోజంబును నాభిసరోజగంధానుబంధ
పుష్పంధయమాలాలీలానుకారవిరాజిరోమరాజియు, రోమరాజీంద్రనీలైకస్తం
భోపరినిర్మితకమలాభర్మసౌధోపమానమాననీయవక్షస్థలంబును, వక్షస్థలసుమే
రుతటప్రాంతసమారూఢకల్పతరుశాఖాయమానభుజాస్తంభసంభరణమాన్యం
బులగు సుదర్శనపాంచజన్యంబులును, బాంచజన్యసౌభాగ్యయోగ్యతానర్గళం
బగుగళంబును, గళవృంతనితాంతకాంతముకురప్రభాజిత్వరంబులగు కపోల
ఫలకంబులును, గపోలఫలకనృత్యత్కాంతిపుంజరంజితనక్రకుండలోదీర్ణంబులగు
కర్ణంబులును, గర్ణాంతవిశ్రాంతనేత్రపుండరీకప్రభావంశకాండాగ్రజాగ్ర
న్ముక్తాఫలనాసికాప్రసూనంబును, నాసికాప్రసూనఫలితమధురఫలాధరబింబం
బును, అధరబింబమాధుర్యయాచనార్థసమాగీతార్ధేందుతిరస్కారిలలాట
రేఖయు, లలాటరేఖేందుజిఘృక్షావిలంబితమోహంకారతిరస్కారి శృంగారి
భ్రమరకవ్రాతంబును, భ్రమరకోదయాద్రిసముదితార్కబింబస్పర్థిరత్నకిరీ
టంబులుం గలిగి కోటిమన్మథలావణ్యంబున నున్న పన్నగశాయికి సాగి మ్రొక్కి
యిట్లని విన్నవించె.
