ఆక్రౌంచద్వీపంబు షోడశలక్షయోజనవిస్తారంబై వెలయు, కౌంచద్వీపేశ్వరుం
డైన ద్యుతిమంతునకుఁ గుశలుండును, మనుగుండును, ఉష్ణుండును, పివరుం
డును, అంధకారుండును, మునియు, దుందుభియును నన నేడ్వురుపుత్రులు
పుట్టి క్రౌంచద్వీపంబునకు రాజులైరి. వారిపేరిట సప్తవర్షంబులై దేవ
గంధర్వసేవితంబు లయ్యె. క్రౌంచంబును, వామనంబును, అంధకారంబును,
రత్నశైలంబును, దేవోత్పత్తియు, పుండరీకవంతంబును, దుందుభియును నన
నేడువర్షాచలంబులు పరస్పరద్విగుణంబు లై యుండు. ఈవర్షంబులయందు
వర్షాచలంబులయందు దేవసమానులై జనులు నిరాతంకులై యుండుదురు.
గౌరియు, కుముద్వతియు, సంధ్యయు, రాతియు, మనోజవయు, జ్యోతియు,
పుండరీకయు నను నేడువర్షనదులు గలవు. మఱియు క్షుద్రనదులు సహస్ర
సంఖ్యలు కలవు, పుష్కరపుష్కలధన్యాఖ్యాతసంజ్ఞలం గలిగి చాతుర్వర్ణ
జనంబులు వెలయుదురు.
