పుట:విక్రమార్కచరిత్రము.pdf/54

6

విక్రమార్క చరిత్రము

⁠

కావ్యవర్గముఁ జెప్పఁగాఁ బ్రబంధంబులుఁ         గ్రొత్తలు పుట్టించుకొని లిఖంపఁ గా; నక్షరచ్యుతకంబు మాత్రాచ్యుత         కంబు బంధచ్యుతకంబు నామ గోప్యంబులుం గ్రియాగోప్యంబులును భావ         గోప్యంబులును జెప్ప, గోష్టియందుఁ బద్యంబు గీతికార్భటి నొగిఁ జదువంగ,         నెల్లవిద్యల సంచు లెఱుఁగనేర్తు

⁠

తే.⁠

ననుచు నెల్లూరితిరుకాళమనుజవిభుని, సమ్ముఖమ్మున సాహిత్యసరణి మెఱసి మహిమ గాంచిన పెద్దయామాత్యసుకవి మనుమఁడవు నీవు నీవంశమహిమయొప్పు.

⁠ 20

క.⁠

ఆఁడఁడు మమూరరేఖను గాఁడం బాఱండు బాణగతి మన మెరియన్, బ్రోడగు పెద్దయయన్నయ మాడకు మాడెత్త యతనిమాటలు జగతిన్.

⁠ 21

క.⁠

అని మీతండ్రిమహత్త్వము జనవినుతరసప్రసంగసంగతకవితా ఘనతేజులు కవిరాజులు గొనియాడుదు, రఖలరాజకుంజరసభలన్.

⁠ 22

జక్కన కవితాప్రశస్తి

క.⁠

చక్కన నీవైదుష్యము చక్కన నీకావ్యరచనచాతుర్యంబుల్ చక్కన నీవాగ్వైఖరి చక్కన నీవంశమహిమ జక్కనసుకవీ!

⁠ 23

క.⁠

స్వాభావికనవకవితా ప్రాభవముల నుభయభాషఁ బ్రౌఢిమఁ జెప్పం భూభువనంబున సరి లే రాభారతి నీవుఁ దక్క నన్నయజక్కా!

⁠ 24