తృతీయాశ్వాసము
67
వ. ఇది మోక్షకారణంబును బంధనిరసంబు నై జీవన్ముక్తి యొనర్చు
మఱియును.47
క. కరచరణాద్యవయవముల
కిరవై చరియించుదేహ మిది నీమదిలోఁ
దిరముగ నిలుపునహంకృతి
యరయఁ దృతీయాఖ్య మధమ మగు దాశరథీ.48
వ. ఈ యహంకారత్రయంబును విడిచినయతండు పరమనిర్వాణపదంబు
నొందు. నహంకారరహితు లై భీమాదులు పరమపదప్రాప్తు లగుట
విస్పష్టంబుగాఁ జెప్పెద నాకర్ణింపుము.49
సీ. మును శంబరుం డనుదనుజుండు తనమాయ
నిర్మింపబడు రజనీచరేంద్రు
లతిమూర్ఖు లైనదామాదులు సురలచే
హతు లైనఁ జింతిలి యతఁడు మఱియు;
దైవసేనల నోర్చుతలఁపున నధ్యాత్మ
శాస్త్రవివేకుల సత్త్వధనుల
గతమత్సరుల నహంకారదూరుల వేద
వేదాంతవేత్తల విమలమతుల
గీ. భీమబాహాఖ్యదృఢు లను పేర్లవారిఁ
బొలుచుతనమాయ నబ్ధిబుద్బుదములట్ల
నెన్నఁ బెక్కండ్ర సృజియింప; నెసఁగ వారు
నతిజరామృతివర్జితు లై కణఁగిరి.50
వ. ప్రాప్తార్థకాములును, వర్తమానానువర్తులును, సర్వసములు, నగు న
ద్దానవుల చేత నిర్జరసైనికులు చచ్చియు, నొచ్చియు, వెఱచియు, పలా
యనపరాయణులై, జ్ఞానవాసన విషయానుభవంబున నశియించిన
ట్లణంగిరి. అట్లు గావున.51