పుట:వాసిష్ఠరామాయణము (మడికి సింగన).pdf/46

ద్వితీయాశ్వాసము

45

సీ.⁠

అని వాణి తనయింటి కరుగుటయును, నంత         లీల సేసెను వినిర్లేపబుద్ధి బాహ్యకర్మంబులఁ బాసి శీఘ్రంబున         నిర్వికల్పసమాధినిష్ఠ నిల్చి, రంజిల్లునంతఃకరణపంజరముఁ బాసి,         పరమాత్ముఁ బరిపూర్ణు నిరుపమాను నిరుపాధికుని బొంది నిఖిలంబుఁ గనుదివ్య         దృష్టి మైఁ దనపతిఁ దేఱి చూడఁ,

⁠

గీ.⁠

బరఁగ షోడశవత్సరప్రాయ మైన భూమిపాలకుఁ డగుట నద్భుతముఁ బొంది, వాణిఁ దలఁచిన నప్ప్రొద్దె వచ్చి భద్ర పీఠమున నున్నఁ గని మ్రొక్కి ప్రీతిఁ బలికె.

⁠ 54

గీ.⁠

వాణి, యద్భుత మయ్యె; నావరున కెట్లు సృష్టివలనన వేఱొకసృష్టి పుట్టె నేమి? యీ జాగరభ్రమ నెఱుఁగవలయు నానతి మ్మన లీల కిట్లనియె దేవి.

⁠ 55

క.⁠

అతివా మృతిఁ బొందిన నీ పతితొలుపుట్టువును దలఁప భ్రాంతియ; యిపు డీ క్షితిపతి రెండవజన్మము ధృతి నిట్టిద యివ్విధంబు దెలియఁగ వినుమీ.

⁠ 56

వ.⁠

అది యెట్లంటేని.

⁠ 57

సీ.⁠

తనరుచిదాకాశమున నొకానొకచోట         సంసారమంటపస్థలము గలదు దానియం దొకగిరితటమున నొక్కెడ         నొకయూర నొక్కవిప్రోత్తముండు

⁠