పంచమాశ్వాసము
225
చ. అపగతసంసృతిభ్రముఁడు నాత్మరతుండును నైనయోగి కే
నెపమున నెందుఁ జిహ్నము జనింపదు. కామవిషాదరోషలో
లుపగుణమానమత్సరవిలోపము సేసి యనామయస్థితిన్
జపలత లేక యుండుటయె శాశ్వతచిహ్నముగాని రాఘవా.263
ఉ. జీవులకారణంబు విను చిత్పదదూరత నుండ్రు, కర్మముల్
ద్రోవఁగరాక వారి సుఖదుఃఖము లేపడగించుచుండు; నా
స్థావశవృత్తి బంధమును, దానివిముక్తియ, ముక్తి, గావునన్
నీవును నట్ల హృత్కలన నిల్పఁగ సౌఖ్యము నొందు రాఘవా.264
వ. గ్రాహ్యగ్రాహకసంగంబుల సావధానుండవై సంకల్పంబులం దొఱంగి
సుఖింపుము. తత్త్వజ్ఞులు గతార్థంబునకు వగవరు; భవిష్యద
ర్థంబునకుఁ, జింతింపరు; క్రమప్రాప్త మగువర్తమానార్థంబు గ్రహిం
తు రదియునుంగాక.265
సీ. ధీరజీవునకును ద్రివిధరూపంబులు
స్థూలంబు, సూక్ష్మంబు, తుదిఁ బరంబు;
నందుఁ బరముఁ బట్టి నా రెంటి విడువుము;
కరపాదమయ మైన కాయ మెందు
స్థూలంబు నా భోగధుర్య మౌ, మఱియు, సూ
క్ష్మంబునా సంకల్పమయమనంబు,
అతివాహికమ నానగు నది; మఱి యనా
ద్యంతచిన్మాత్రంబు నై వికల్ప
గీ. రహితమై యున్నయదియు పరస్వరూప;
మదియె మూఁడవరూ పగు; ననిన విభుఁడు
స్వప్నజాగ్రత్సుషుప్తినిష్ఠంబుగాని
తుర్య మెఱిఁగింపు మౌనిశార్దూల యనుడు.266
