వాసిష్ఠరామాయణము
యందుఁ దన్మనంబు లీనం బగు. నట్లు గావున.280
క. అనిలస్పందనవాసన
లనిశము ప్రేరేప నింద్రియజ్ఞానము గొ
బ్బున నబ్బకుండె నేనియు,
ననఘా తద్బ్రహ్మ మీవ యగుదువు సుమ్మీ.281
వ. వేద్యవేదనోల్బణత్త్వంబు చిత్తంబు. అదియ యనర్థమూలం బగు.
దన్నిరసనంబునన గాదె మహాయోగీంద్రులు ప్రాణసంరోధనంబు
సేయుచుందు. రది యెట్లంటేని.282
క. మానుగఁ బ్రాణాయామ
ధ్యానమునను యుక్తికల్పితపుయోగములన్,
బూనఁగ ననిలనిరోధం
బై నిలువఁగఁ జిత్తశాంతి యగు రఘురామా.283
సీ. వినుము వృత్తిజ్ఞానవిభవప్రభూత మై
యనుభూతి వాసనలను జయించు
పరమచిత్తోత్పత్తిపద మెఱిఁగించెదఁ;
గడిఁదివాసనలచే విడువఁబడిన
పూర్వాపరవిచారముల జనించుపదార్థ
రక్తి వాసన యండ్రు, రాజవృషభ,
యది యతివ్యగ్ర మై యాత్మలో నూనంగ
నఖిలసద్వృత్తులు నడఁగి పోవు,
గీ. నట్టివాసన దగిలినయట్టి పురుషుఁ
డేది గనుగొన్నఁ దన కది యెల్ల మంచి
దనుచు మోహించు; వాసనాభ్యాసవృత్తి
జననమరణాదికారణ మనఁగఁ బరఁగు.284
క. ఇమ్ముల హేయోపాదే