పుట:వరాహపురాణము (హరిభట్టు).pdf/264

168

వరాహపురాణము

తే.⁠

ఉరగలోకంబు వెదకుట కుద్యమించి, | పటుఖనిత్రాగ్రముల ధాత్రిఁ బాయఁ ద్రవ్వి, జలధిమార్గంబునను రసాతలము సొచ్చి, | కపిలమునిపొంత మఖఘోటకంబుఁ గాంచి,

⁠ 122

చ.⁠

వెనుక హయంబుఁ గట్టుకొని, [1]వీఁడె [2]యథార్థతపస్వికైవడిన్ గనుగవ మూసినాఁడు, పొడగంటిమి గుఱ్ఱపుదొంగ నంచు, నా మునివరు ముష్టిఘాతముల మోదిన, నాఘను రోషవహ్ని లో చనముల [3]వెళ్ళి, యాసగరజాతుల భస్మము చేసె నందఱన్.

⁠ 123

ఉ.⁠

అంత, భగీరథుండను మహాత్ముఁడు తత్కులమందుఁ బుట్టి, య త్యంతతపోగతిన్, శివుఁ బురాంతకుఁ బ్రీతునిఁ జేసి, యాయుమా కాంతు జటానుషంగ యగుగంగ, నభంగురభంగఁ, [4]బాపజా లాంతకరప్రసంగఁ బ్రియ, మారఁగఁ దెచ్చిన, నాస్రవంతియున్,

⁠ 124

తే.⁠

తరుణ[5]శశిశేఖరుని జటాభరము [6]డిగ్గి, | యభ్రపథమున ధాత్రికి నవతరించి, నాగలోకంబు దరిసి, పుణ్యతఁ దనర్చి | సగరతనయుల ముక్తిపారగులఁ జేసె.

⁠ 125

క.⁠

ఆరాజసుతుఁడు దెచ్చిన | కారణమున, సకలలోకకల్మషపటలీ హారిణి యగు సురనది, భా | గీరథి యనుపేర విదితకీర్తి వహించెన్.

⁠ 126

క.⁠

[7]తదనంతరమున సుగుణా | స్పదుఁడగు యువనాశ్వనృపతి ప్రభవము నొందెన్ ముదమున నతనికిఁ ద్రిజగ | ద్విదితుఁడు, మాంధాతృ నామధేయుఁడు వొడమెన్.

⁠ 127

క.⁠

విశదయశః[8]పటగర్భిత | దశదిగ్వలయుం డతండు దారుణబాహా నిశితాసిపాటవంబున | దశకంఠుని గెలిచె సమదదర్ప మెలర్పన్.

⁠ 128

శా.⁠

సాధుత్రాణకళావితంద్రుఁడు, హరిశ్చంద్రుండు జన్మించి, తే జోధుర్యుండు వశిష్ఠు[9]పూన్కి నిలుపన్ శుద్ధాంతరంగంబునన్ గాధేయుం డొనరించు దుష్క్రియల, శోకంబందియున్, సత్యభా షాధీరుం డగుచున్, ద్విసప్తయుగముల్ శాసించె భూచక్రమున్.

⁠ 129

1. వెండి - మ,తా,హ,ర
2. హయార్థ - మా
3. వెల్లి - మ, ర, క
4. దాపబాలాంత - త
5. శశిధరునిజజటా - త
6. గాంచి - మ,తి, తీ,హ ,ర, క
7. ఈ ప.ర ప.లో లుప్తము.
8. పటు - మ, తా,హ,ర,క
9. పూన్కె - మ, తా,హ