పుట:వరాహపురాణము (హరిభట్టు).pdf/259

పంచమాశ్వాసము

163

క.⁠

నారాయణబాహుసుధా | పారావారమున నిట్లు ప్రభవించిన యా ధీరాత్ములు నృపచంద్రులు | ధారుణి కేఁతెంచి నీతితత్పరమతులై,

⁠ 88

ఉ.⁠

కోపము చిన్నమంత, తలకొన్న ప్రసాదము మేరువంతగాఁ జూపి, ప్రజానుపాలనము సూనృతవృత్తి నొనర్పుచున్, రిపు క్ష్మాపతులన్ హరించి, గరిమంబున రాజ్యము చేసి చేసి, యు ద్దీపితదర్పులై, తపనతేజముఁ జూచి సహింప కుద్ధతిన్,

⁠ 89

మ.⁠

ఘనబాహాబలదుర్మదాంధు లగుచున్, గంజాప్తుతో దివ్యసా ధనముల్ పూని రణం బొనర్చినను, మార్తాండుండు కోపించి, యా జననాథావళిఁ బట్టి మ్రింగుటయు, విశ్వక్షోణికిన్ రాజు లే క, నరుల్ తస్కరబాధల న్నిబిడ దుఃఖవ్యాప్తులై యున్నెడన్.

⁠ 90

ఆ.⁠

కువలయప్రమోదకుండగు రాజు లే | కున్న [1]1సత్పథంబు వన్నె దిగదె? కువలయప్రమోదకుండగు రాజు లే | కున్న సత్పథంబు వన్నె దిగదె?

⁠ 91

చ.⁠

అని తలపోసి, భూమివలయంబునకుం దగు రాజవర్యు నొ క్కనిఁ గొనితేరఁగా నుచితకార్యవిశేషము నిర్ణయించి, స న్మునులు ఆ[2]దివాకరుం గదిసి మూర్ధసమర్పిత[3]పాణిపద్ములై వినుతి యొనర్పఁజొచ్చిరి, పవిత్రవచోగతి నమ్మహాత్మునిన్.

⁠ 92

సీ.⁠

సప్తాశ్వ! మార్తాండ! జలజవనీమిత్ర! | [4]సర్వలోచన! దేవ! సర్వవంద్య! సర్వగ్రహాధిప! సర్వరోగాపహ! | సకలజగద్దీప! సామరూప! భాస్కర! దినకర! బ్రహ్మాండభూషణ! | దశశతకిరణార్క! తపన! సూర్య! ద్వాదశాత్మక ! వికర్తన! దివాకర! బోధ | మయ! జగన్మయ! సదాధ్యయననిరత!

⁠

తే.⁠

యరుణ! కాశ్యప! తిమిరసంహరణచతుర! | యర్యమాదిత్య! దివిజేశ్వరాదిసేవ్య! సత్యసంకల్ప! [5]మందేహదైత్యమథన! | స్వీకరింపుము మన్నమస్కృతిశతములు.

⁠ 98

ఆ.⁠

చండతిమిరపీతసకలచరాచరో | ద్ధరణకరణరూపధారి వగుచుఁ బ్రతిదినంబు [6]నొందఁ బరమజగత్సాక్షి | వరయ నీవ కావె యజ్ఞమిత్ర!

⁠ 94

1. తత్పదంబు - తా
2. దివౌకసుల్ - తీ
3. పాద - తీ
4. సర్వావలోకన - తీ
5. మండిత - మ,మా, తా, తీ, హ, ర,క
6. పొడమ - మా