పుట:వరాహపురాణము (హరిభట్టు).pdf/242

146

వరాహపురాణము

ఉ.⁠

ధీరత రుక్మిణీముఖసతీవితతిం గ్రమయుక్తిఁ బెండ్లియై ద్వారక నేలుచుండునెడ, ధర్మతనూజుఁడు దిగ్జయార్జితో దారపదార్థజాతములు తమ్ములు దెచ్చిన, రాజసూయ మిం పార నొనర్పఁగాఁ దలఁచి, [1]యాప్తజనుం దనపాలి కంపినన్.

⁠ 217

క.⁠

ఇంద్రాదిదివిజ[2]వందితుఁ | డింద్రోపలనిభుఁడు, కృష్ణుఁ డిచ్ఛాపురుషుం డింద్రజసాంద్రస్నేహుం | డింద్రప్రస్థమున కరిగె హితపరివృతుఁడై.

⁠ 218

శిశుపాలవధ

సీ.⁠

అత్తఱి, శ్రీకృష్ణుఁ డరుగుదెంచిన వార్త | విని, పాండుతనయు లావిష్ణుమూర్తి కెదు రేఁగి, యర్ఘ్యాదివిదితార్చనంబుల | [3]వందనాదుల నుత్సవం బొనర్చి, యతని సమ్మతమున నాధర్మసూనుండు | రాజసూయమహాధ్వర మ్మొనర్చి, ధరణీసురుల నిష్టదక్షిణాదులఁ దన్పి | యవభృథస్నానంబు లర్థిఁ జేసి,

⁠

తే.⁠

యార్యభూసురమునిసమూ[4]హములలోన | హరికి నర్పించె జనపాలుఁ డగ్రపూజ యది విలోకించి, శిశుపాలుఁ డాగ్రహించి, సమదుఁడై పల్కెఁ దత్సభాసదులు వినఁగ.

⁠ 219

ఉ.⁠

ఈసభయం దకృత్య [5]మిది యిట్లొనరించి నరేంద్రుబుద్ధి పూ ర్మేసెనొ? కాక, జ్ఞానమున మించిన సంయమివర్యు లుండఁగా, భూసురు లుండఁగా, నృపతిపుంగవు లుండఁగ, నగ్రపూజకుం గాసుకుఁబోని యీపసులకాపరి, [6]పేదరి గొల్లఁ డర్హుఁడే?

⁠ 220

చ.⁠

అని, తన కంత్యకాలము సమాగతమౌట యెఱుంగలేక, నిం దన మొనరించు చైద్యుని, మదస్ఫురితానుచితప్రలాపునిం గనుఁగొని, కృష్ణుఁ డా[7]ఖలుని కంఠమృణాళముఁ [8]ద్రెంచె, హేమభా జన మను సాధనంబున నిశాచరభీకరరోషదీప్తుఁడై.

⁠ 221

1. యాప్తజునిం - తీ
2. వంద్యుం - మ, తా, తి,హ,క
3. వందనాదుల - స్నానంబులర్థిఁజేసి ర.ప్ర. లో లుప్తము
4. హములతోన - మ,మా,త, తీ,హ,ర,క
5. విధి - తా కంటె భిన్న ప్ర.
6. పాడరి - త, పాదరి (పాదలి?) - తా; పాపము - మా
7. బలుని - తా
8. ద్రుంచె - హ