పుట:వరాహపురాణము (హరిభట్టు).pdf/220

124

వరాహపురాణము

మ.⁠

విను, మాయాసతి! సర్వజంతువులకుం [1]బేర్వేఱఁ దుల్యాంగనా జనముం గొబ్బున యుష్మదంశమున సంజాతంబుగాఁ జేయు, చే సినఁ, [2]గాంతాపురుషవ్రజంబు మిథునశ్రీ బొంది, యన్యోన్యమో హ[3]నిబద్ధంబునఁ బాయలేక [4]సురతవ్యాసక్తిఁ గ్రీడింపఁగన్.

⁠ 66

క.⁠

వారలవలనఁ గుమారకు | మారీవ్రాతంబు వొడము, మఱియును దత్త త్పారంపర్యవశంబునఁ | దోరములై నిగుడు సంతతులు లోకమునన్.

⁠ 67

క.⁠

[5]రేతోమయసృష్టిక్రమ | మీతెఱఁగున వృద్ఁ బొందు నింతి! భవన్మా యాతిశయంబునఁ [6]జేతన | జాతంబు పరిభ్రమించు సంసారమునన్.

⁠ 68

అవతారప్రసక్తి

సీ.⁠

ఈ జగత్త్రయమున నెచ్చోటనైనను | మించి దుర్జనులు జన్మించిరేని, వేదోక్తమార్గంబు విపరీతమగునేని, I మునుల యాగంబులు మునిగెనేని, భూనాయకులు ధర్మహీనులైరేని, స | ద్విజులు విద్యలను గర్వించిరేని, ధరణిఁ బాతివ్రత్యధర్మంబు చెడెనేని, | విషమదైత్యులు సంభవించిరేని,

⁠

తే.⁠

కఠినపాషండజనములు గలిగిరేని, | దురితబలమున సత్యంబు విరిసెనేని, యప్పు డచ్చోటఁ దగురీతి నవతరించి | దుష్టనిగ్రహ మొనరింతుఁ దోయజాక్షి!

⁠ 68

వ.⁠

అని యానతిచ్చినఁ బుండరీకాక్షు నాజ్ఞానుసారంబున, నమ్మాయాదేవి స్త్రీ[7]వ్యక్తి నిర్మాణం బొనరించి, విశ్వసృష్టిచక్రంబు నాక్రమించి ప్రవర్తించె నని రోమశుండు మార్కండేయునకుం జెప్పి, వెండియు నిట్లనియె.

⁠ 70

అమరుల ప్రాదుర్భావము

ఆ.⁠

కలితకీర్తిశాలి కశ్యపుఁ డొకనాఁడు, | మానవతిని జెఱఁగు మాసి యనల నామతీర్థవారి [8]నాల్నాళ్ళు చేసిన | [9]యదితిఁ గాంచి, ప్రముదితాత్ముఁ డగుచు.

⁠ 71

1. వేర్వేఱ -త, తా,క
2. దత్కాపురుష - తి,హ,ర
3. నిబంధంబున - త, తీ,ర
4. సురస - హ,ర
5. ఈ ప క ప్ర.లో లుప్తము
6. యాతను - తా
7. వేష - క
8. నాల్నాడ్లు - మ; నానాడ్లు - మా; నానాళ్లు - త, తా, ర; నాల్నాడు - క
9. యతివ - మ, తి, తీ,హ,ర, క