పుట:వరాహపురాణము (హరిభట్టు).pdf/215

చతుర్థాశ్వాసము

119

సీ.⁠

మూలముల్ [1]మీఁదు కొమ్ములు క్రిందునై చాల | నున్నతంబై మించు నొక్కతరువు వేదపర్ణంబుల విలసిల్లుఁ, [2]దత్పక్వ | ఫలము లెవ్వారికిఁ దెలియఁబడవు, ఆహారియును నిరాహారియునై రెండు | పక్షు[3]లు తరువునఁ బాయకుండు, నతినిశ్చలంబైన యా ఖగద్వితయంబు | నురుశక్తి నైక్యంబు నొందఁజేసి

⁠

తే.⁠

యమ్మహీజమ్ముఁ బాలింప నణఁపఁజాలి | తత్ఫలశ్రేణి [4]నిజభక్తతికి నొసఁగు నీ మహత్త్వంబు, వర్ణింప నేర్తు నెట్లు? | శరధికన్యాకళత్ర! తామరసనేత్ర!

⁠ 38

క.⁠

బాలుఁడను బుద్ధిహీనుఁడ | నాలోకింపుము కృపాకటాక్షముల ననున్; మేలుకొన సమయ మయ్యెను | [5]చాలింపుము యోగనిద్ర [6]సకలశరణ్యా!

⁠ 39

వ.⁠

అని యిట్లు హిరణ్యగర్భుం డుచితవాక్యసందర్భంబున నుతించి, ప్రార్థించిన, నా జగద్గర్భుండు మేల్కనకున్న, నది యోగమాయాశక్తి[7]కృత్యంబని నిర్ణయించి, నిద్రారూపంబున సంక్రమించిన జగన్మోహనకారిణియగు నా యోగమాయ నిట్లని స్తుతించె.

⁠ 40

విష్ణుదుర్గాస్తవము

శ్లో.⁠

వందే౽హం [8]దేవి! పాదారవిందే! మందేతరార్చితే! [9]తావకే సేవకేష్టాపవర్గే! దుర్లే! మదంబికే!

⁠ 41

వ.⁠

అని నమస్కరించి, వెండియు నిట్లనియె.

⁠ 42

క.⁠

శ్రీపతిని యోగనిద్రా | రూపంబున నలము కాలరూపిణివగు నీ శ్రీపదములు సేవించెదఁ | దాపత్రయదుఃఖజలధితారణమునకున్.

⁠ 43

ఉ.⁠

కంబుసమానకంఠికి, జగత్త్రయదేవకిరీటరత్నభా చుంబితపాదపీఠి, కతిశోభనమూ ర్తికిఁ, బల్లవావళీ బింబసమాధరోష్ఠి, కరిభీకరశూలసమేతయైన దు ర్గాంబకు, విష్ణుశక్తికి ననంతనమస్కృతు లాచరించెదన్.

⁠ 44

1. మెండుకొమ్మలు (యతి?) - మ,మా, తి,హ,ర,క; మెండల్పముగ శాఖములు గల్గి - తీ
2. దత్వము - త
3. లా తరువును - తీ
4. నీభక్త - మ, తా; తద్భక్త - క
5. పాలింపుము - తీ
6. వదలి - తీ
7. కృతంబని - త,హ,ర
8. దేహి - త
9. తావకసేవకిష్టా - మ; తావకే సేవకిష్టా - మా,త; తావకస్సేవకేష్టా - తి,తీ, ర; తావకీసేవకేష్టా - తా