పుట:వరాహపురాణము (హరిభట్టు).pdf/213

చతుర్థాశ్వాసము

115

క.⁠

గురువుల నమరుల ధాత్రీ | సురులను ధేనువుల నదుల సుస్థిరభక్తిన్ హరిరూపములుగఁ దలఁచిన | నరుఁ డేఁగుం బరమపదమునకు మునివర్యా!

⁠ 13

సీ.⁠

ఎన్ని బ్రహ్మాండంబు లన్నింటి కందఱు | బ్రహ్మలై హరి సృష్టిభరము పూను, నెన్ని పాతాళంబు లన్నింటి కందఱు | [1]భోగీంద్రులై శౌరి భూమిఁ దాల్చు, నెన్ని స్వర్లోకంబు లన్నింటి కందఱు | జంభారులై చక్రి జగము లేలు, నెన్ని కైలాసంబు లన్నింటి కందఱు | భర్గులై శార్ఙ్గి ప్రపంచ మణఁచు,

⁠

తే.⁠

నెవ్వఁ డేరూపమునఁ దన్ను నెఱుఁగఁగోరు | వాని కారూపమునఁ గానవచ్చుచుండు, భక్తజనవత్సలత్వతత్పరుఁడు గాన | భక్తిమంతుల కతఁ డిచ్చుఁ బరమపదము.

⁠ 14

మ.⁠

అవతారంబు లనేకకోట్లు గల, వాయాబ్రహ్మకల్పంబునన్ భవశక్రాదినుతప్రచారుఁ డగుచున్ బ్రహ్మాండమధ్యంబునన్ వివిధాకారముల న్వహించి, త్రిజగద్విఘ్నంబుల న్మాన్ప సం భవముం బొంది, మురారి క్రీడ సలుపు న్మత్స్యాదిరూపంబులన్.

⁠ 15

ఆ.⁠

సర్వ[2]వేదమయుఁడు, సర్వాంతరస్థాయి, | సర్వభూతమయుఁడు, [3]సర్వసముఁడు, సర్వవైరిహరుఁడు శాశ్వతుం, డవ్యయుఁ, | డచ్యుతుండు ప్రోచు నఖిలజగము.

⁠ 16

మ.⁠

ఘనవిద్యాకులరూపసంపదలచే గర్వించి [4]మోహాంధతం దనుఁ జింతించు వివేక మేమఱిన భక్తశ్రేణి బోధించి, యా త్మనివాసస్థితి సౌఖ్యమిచ్చుటకునై , ధాత్రీస్థలిం బుట్టి యా వనజాక్షుండు జగంబుఁ బ్రోచు వివిధవ్యాపార[5]పారీణుఁడై.

⁠ 17

క.⁠

భువనేశుఁడు శాసింపఁగ | నవివేకము దొఱఁగి, [6]దుర్మదాంధత్వముఁ బా సి, వనట నొందక [7]మనుజుల్ | [8]ధ్రువమగు హరిపదముఁ జెందుదురు మునితిలకా!

⁠ 18

1. భోగేంద్రులై - మ,త,తా, తి, తీ,హ,ర,క
2. దేవ - మా; భూత - ర
3. శాశ్వతుండు, మునుల సురల నరుల ముదముతో గోవుల, నవ్యయుండు బ్రోచు - క
4. మోహాంధకుల్ - తి, తీ,క ; మోహెూద్ధతుల్ - త
5. మేపారగన్ - తీ
6. దుర్మదాంధత లేకన్, భువివనటబాసి మనుజులు - మ, తి,హ,ర, క ; దుర్మదాంధత విడి యీభువి - తీ
7. యమరుల్ - మా
8. ధ్రువముగ - మ,హ,ర,క