పుట:వరాహపురాణము (హరిభట్టు).pdf/208

110

వరాహపురాణము

తే.⁠

కండ్లపస చూపి కామినీగణము వోలెఁ | బరుషవిషమాస్త్రవేదన పాలుపఱుపఁ గల మనోగతి బెడిదంబుగా [1]వెలుంగు | దైత్యనాయకుసేనారథప్రజంబు.

⁠ 298

తే.⁠

నీలలోహితమూర్తులు, శూలధరులు | నుగ్రవేషులు నగుచు దైత్యాగ్రగణ్యు వీరయోధులు మూర్తీభవించినట్టి | రౌద్ర[2]రసమనఁ బొల్తు రున్నిద్రమహిమ.

⁠ 299

వ.⁠

ఇ ట్లనన్యసామాన్యంబగు సైన్యంబుతో హిరణ్యకశిపుయాతుధానప్రముఖుండు [3]కుమా రాభిముఖుండయి చనునెడ ముందట.

⁠ 300

నరసింహావిర్భావము

క.⁠

[4]ప్రళయానల[5]సన్నిభమై | [6]జలజాధిపకోటికోటిసంకాశంబై యిల నొకతేజఃపుంజము | కలయఁగ దిశలెల్లఁ గప్పి కనుఁగొనఁబడియెన్.

⁠ 301

మ.⁠

మెఱుఁగుంగోబిల నిప్పుకల్ దొరుఁగ, నామ్రేడీకృతారావ[7]ని ష్ఠురయై జిహ్వ నటింప, నూర్పుల గిరిస్తోమంబు లూఁటాడఁ, గ్రో ధరసావేశము నేత్రము ల్దెలుప, నాదైత్యేంద్రు ఖండింపఁగా నరసింహాకృతి దాల్చి, యందు వెడలె న్నారాయణుం [8]డుగ్రుఁడై.

⁠ 302

ఉ.⁠

ఇ ట్టతిఘోరమూర్తి నుదయించి, సురాసురదుర్నిరీక్షుఁడై నట్టి నృసింహదేవుని భయంకరలోచననిర్యదగ్నిసం ఘట్టనమాత్ర [9]నద్భుతముగాఁ బరిదగ్ధములయ్యె దైత్య రా ట్పట్టణహర్మ్యగోపురసభాగృహకోశ[10]గృహాదు లన్నియున్.

⁠ 303

ఉ.⁠

ఆతెఱఁగెల్లఁ గాంచి, దనుజాగ్రణి [11]కోపకషాయి[12]తాస్యుఁడై యీతఁడువో! మదీయరిపుఁ, - డీతఁడువో! జలజాలయామనో నేత, నృసింహుఁడైన యితనిన్ బలిచేసెదఁ జుట్టుముట్టి, నా హేతి[13]కరాళకాళికకు నిప్పుడ నందనువెఱ్ఱి మానఁగన్.

⁠ 304

1. మెలంగు - త
2. రసమున - అన్ని ప్ర.
3. విహారాభి - మా; పరాభి - మ; వారాభి - తి,ర
4. ప్రళయానిల - అన్ని ప్ర.
5. సంభవమై - మ,మా,త,తి,తీ,హ,ర; సంభ్రమమై-క
6. జలజాహిత - అన్ని ప్ర.
7. నిష్ఠురమై - తీ
8. డుద్దతిన్ - తీ
9. నుద్ధతము - తా; దుత్తుఱుము-మ,తి,తీ,హ,ర,క
10. భువనాదు - క
11. రోష-తీ
12. తాక్షుడై - తీ; తాత్ముఁడై - హ
13. కరాళికాశిఖికి - తి,తీ