లయగ్రాహి. |
నీరజభవాదినుతు, ఘోరరిపుసంహరుఁ, బ
యోరుహవిలోచను, నపారగుణరాశిన్,
హారచయభూషితుఁ, గృపారససమన్వితు, సు
రారి[1]వనపావకుని, భూరమణనాథున్,
దారుణసుదర్శనవిభారుచిరహస్తు, నవ
నీరదసమానరుచిపూరితనిజాంగున్,
మేరునగధీరుని, రమారమణు, భక్తసుర
భూరుహముఁ గొల్చెద ననారతము భక్తిన్.
| 236
|
చ. |
అనవుడుఁ, గర్ణరంధ్రముల నగ్నిశిఖాపరితప్తశూలముల్
చొనిపినయట్లు మిట్టిపడి, చూపుల నిప్పులు రాల, హుంకృతి
ధ్వనుల నభంబు వ్రీల, భయదంబగు రౌద్రము మూర్తిదాల్చెనో
యనఁ, గడునుగ్రుఁడై, దితిసుతాగ్రణి విప్రులఁ గాంచి యిట్లనెన్.
| 237
|
హిరణ్యకశిపుని యాగ్రహోదగ్రత
ఉ. |
బాలుఁడు వీఁడు, బుద్ధిపరిపాకవిదూరుఁడు, విష్ణువర్ణనా
మూలములైన పద్యములు మూర్ఖత మీ రెఱిఁగింపకున్న, నే
పోలిక నేర్చు? నాపగతుఁ బూని నుతించునె మత్సుతుండు? శా
ర్దూలకిశోరకంబు మృగధూర్తపరాక్రమమున్ గణించునే?
| 238
|
క. |
పౌరోహిత్యమిషంబున | నారాయణుపనుపుఁ బూని, నను వంచింపన్
గోరి, యిట కరుగుదెంచిన | వైరులు గా కిట్టి విప్రవరులుం గలరే?
| 239
|
ఉ. |
నావుడు, దైత్యనాథువచనంబుల వేఁడిమి కోర్వలేక, భూ
దేవ[2]కులాఢ్యు లిట్లనిరి, దేవ! భవత్సుతుఁ డేడ నేర్చెనో
శ్రీవిభువర్ణనం, బిది విచిత్రము, మాసములోన నీతి వి
ద్యా[3]విదుఁ జేసి, నీమదికి హర్ష మొనర్చెద, మంపు క్రమ్మఱన్.
| 240
|
ఆ. |
అని ప్రతిజ్ఞ పలికి, [4]దనుజేంద్రనందను | వెంటఁ దోడుకొనుచు విప్రు లరిగి,
సంతతంబు నీతిశాస్త్రంబుఁ జదివింపు | చుండి, రంతలోన నొక్కనాఁడు.
| 241
|
- ↑ దవపావకుని - మ,మా,త,తి,తీ,హ,ర,క
- ↑ కుమారు - తీ
- ↑ నిధి (ప్రాస?) - తా
- ↑ యసురేంద్ర - క