పుట:వరాహపురాణము (హరిభట్టు).pdf/170

72

వరాహపురాణము

మ.⁠

అని విశ్వక్షితికామినీమణి వరాహాకారుఁడైయున్న శ్రీ వనితానాథుని, వేదవేద్యునిఁ గృపావార్ధిం బ్రశంసించి, త ద్ఘనదంష్ట్రామయ[1]దివ్యపీఠమున నుత్సాహంబుతో నిల్చెఁ, బు ణ్యనదీసాగరతీర్థపర్వతవనీనానార్థసంయుక్తయై.

⁠ 29

ఉ.⁠

అంబుజనాభుఁ డిట్లు కిటియై ధరణీతల ముద్ధరించి, యిం ద్రుం బరమానురాగమునఁ దొంటి[2]గతిన్ సురలోకరాజ్యపీ ఠంబున నిల్పెనంచుఁ బ్రకటంబుగఁ జెప్పిన రోమశున్, సమ గ్రంబగు భక్తిఁ గన్గొని, మృకండుతనూజుఁడు పల్కె వెండియున్.

⁠ 30

క.⁠

ఏకర్మము శ్రుతి[3]సమ్మత? | మేకర్మము మోక్ష[4]లబ్ధిహేతువు? దురితం బేకర్మమువలనం దెగు | నాకర్మము నాకుఁ దెల్పు మార్యలలామా!

⁠ 31

వ.⁠

[5]అని పల్కిన మార్కేండేయమునీశ్వరునకు రోమశుం డిట్లనియె.

⁠ 32

క.⁠

నీయడిగిన యీయర్థమె | తోయజభవు నడుగ నారదునకును వాణీ నాయకుఁడు మున్ను కర్ణర | సాయనముగ నొకటి చెప్పె నది విను మనఘా!

⁠ 33

నలినాసననారదసంవాదము

సీ.⁠

నారదుం డొకనాఁడు నలినాసనుని పాలి | కరిగి, తద్దివ్యసభాంతరమున నుచితాసనంబున నుండి, కేలుమొగిడ్చి, | మహనీయ మోక్షధర్మంబు లెవ్వి? యని ప్రశ్న చేసిన, నఖిలార్థతత్త్వజ్ఞుఁ | డైన వాణీశుఁ డి ట్లనుచుఁ, బలికె, నాదివరాహదం[6]ష్ట్రాగ్రసంస్థాయిని | యైన భూదేవి తో[7]యరుహనాభుఁ

⁠

తే.⁠

బ్రస్తుతింపుచు మోక్షధర్మముల నడుగ | నా మహాపోత్రి ధాత్రికి నాదరమునఁ దెలిపినట్టి తెఱంగు నేఁ దేటపఱతు | నిరవుమీఱంగ విను మది యెట్టిదనిన.

⁠ 34

మ.⁠

అసురాగ్రేసరుఁడై తనర్చిన హిరణ్యాక్షుండు హేమాద్రితో వసుధాచక్రము నబ్ధిలో మునుఁగవైవం, జక్రి వారాహగా త్రసమేతుండయి యుద్ధరించె మును, తద్దంష్ట్రాసమాసీనయై పొసఁగన్ భూసతి యిట్లనుం బ్రణుతివాక్పూరంబుగా శౌరికిన్.

⁠ 35

1. రత్న - మ,త,తీ,హ,ర,క
2. మతిన్ - మా
3. సమ్మతియే - మ,మా,త
4. లబ్ధ - అన్ని ప్ర.
5. ఈ వ. తీ. ప్ర. లో లుప్తము
6. ష్ట్రాసనస్థాయినియైన భూదేవి యంబురుహనాభు (యతి?) - మ,త,క,తీ
7. వనజనాభు (యతి?) - తా