పుట:వరాహపురాణము (హరిభట్టు).pdf/169

తృతీయాశ్వాసము

71

శా.⁠

వేదార్థంబులు వేఱుగాఁ [1]దెలిసి, దుర్విజ్ఞాను లాత్మేశ్వరా భేదధ్యానసమేతులై, తుదిభవత్ప్రీత్యర్థమై కర్మముల్ మోదంబొప్పఁగఁ జేయనేరక, మహామోహాంధులై యుందు రం తాదివ్యాప్తివిహీనసంసృతిసముద్రాంతర్నిమగ్నాత్ములై.

⁠ 23

సీ.⁠

మాధవ! నీనామమంత్రామృతము జిహ్వ | కుత్తుకబంటిగాఁ గ్రోలువారుఁ, గమలాక్ష! నీకథాగంగాంబువులఁ దోఁగి | కలుషపంకము వాయఁ గడుగువారుఁ, బరమేశ! నీ[2]భక్తిభజననిక్షేపంబు | దొరకిన నుబ్బి మైమఱచువారు, బలిభేది! [3]నీకుఁగా నిలఁ గర్మపృథురత్న | వితతి సంప్రీతి నర్పించువారుఁ,

⁠

తే.⁠

త్రిదశవందిత! భవదీయపదసరోజ | సీమ నిజచిత్తభృంగంబుఁ జేర్చువారు వరుసఁ గ్రీడింతు రానందభరితు లగుచుఁ | బుష్పసాయకజనక! నీపురవరమున.

⁠ 24

సీ.⁠

శ్రీబీజ భువనేశ్వరీబీజములు రెండు | బిందుయుక్తములుగాఁ బ్రేమ నిలిపి, నెఱి, మహా[4]దేవాయ పరమాత్మనే వరా | [5]హాయని వేదరూపాయ యనిన, నేకవింశాక్షరంబై కోలదేవతా | కంబగు మంత్రరాజంబు వొడము, నిట్టి నీమంత్రంబు నింపుతోఁ బ్రణవాది | కమును, [6]స్వాహాంతంబుగా జపించి,

⁠

తే.⁠

భక్తి నశ్వత్థసమిధా[7]జ్యపాయసములఁ | బావకుని దన్పి మంత్ర[8]తర్పణ మొనర్చి, భూమిసురభోజనము పెట్టి పొలుచునట్టి | మానవుం డేలు, నీమహీమండలంబు.

⁠ 25

క.⁠

విను మీమంత్రంబునఁ జం | దన [9]మభిమంత్రించి ఫాలతలమునఁ దాల్పన్, జనవనితాశతయుతభూ | ధనలాభము గలుగు, విమతదర్పము [10]నణఁగున్.

⁠ 26

క.⁠

ఏతన్మంత్రపరాయణ | తాతిశయంబున మనుష్యుఁ డైహికభోగో పేతుఁడయి కాంచుఁ బిదప స | నాతనభవదీయపట్టణస్థితిసుఖమున్.

⁠ 27

క.⁠

అగణితబాహుపరాక్రముఁ | డగు కనకాక్షుని వధించి యఖిలజగంబున్ మగుడంగ నుద్ధరించితి | [11]వగజానుతపుణ్యనామ! యహితవిరామా!

⁠ 28

1. దలఁచి - తి,తీ
2. భక్త - మా,త
3. నీకుఁగప్పంబుగా నిజకర్మ పృథురత్నవితతి నర్పించువారు - మా,త,తా
4. దేహాయ - మ,మా,త,హ,ర,క
5. హాయయని(?) - క
6. స్వాహాస్వధాంతమునుగాఁగభక్తి - తా
7. ద్యుపాయనముల - తి,తీ,హ,ర,క
8. రక్షణ (యతి?) - మ,మా,తి,తీ
9. మునుమంత్రించి - త
10. మహేశా - తీ; నాగున్ - తి,హ
11. నగజాసుత (యతి?) - మా