పుట:వరాహపురాణము (హరిభట్టు).pdf/157

ద్వితీయాశ్వాసము

59

వ.⁠

తత్సమయంబున, శౌర్యహర్యక్షుండగు హిరణ్యాక్షుండు, పురందరరమాహరణ చాతుర్యధుర్యుండగు దనుజాచార్యు వీడ్కొని, యభ్యంతరమందిరంబునకుం జన, మజ్జన భోజనాదికృత్యంబులు నిర్వర్తించి, దివ్యగంధమాల్యాంబరాభరణంబుల నలంకృతుండై, [1]సంపాదిత[2]ప్రమోదంబగు ప్రాసాదంబునందును, సంతతోత్సాహ[3]నిదానమ్ములగు నుద్యా నమ్ములందును, వికసితకమల[4]3కహ్లారంబులగు కాసారంబులందును, రూపవిభ్రమవిలాస శృంగారరసభాజనంబులగు కామినీజనంబులం గూడి, యామ్రేడితరతిక్రీడాపరతంత్రుండై యుండె. అంత.

⁠ 153

ప్రభాతవర్ణనము

మ.⁠

జలజాతంబులు నిద్ర మేలుకొన, నక్షత్రంబు లెందేనియుం దొలఁగంబాఱ, విహంగసంఘములు అంతుల్ సేయఁ, గహ్లారమం డలి లావణ్యము జాఱ, జక్కవలు వేడ్కన్ నిక్క, మందానిలం బెలమిన్వీవఁ, బ్రభాత మయ్యె జగతిన్ హృద్యప్రభాన్వీతమై.

⁠ 154

సీ.⁠

తిమిర[5]కుంభివిదారణమునకు నుదయాద్రి | [6]దరి నిర్గమించు కేసరి యనంగ, శీతాంశుకిరణమూర్చితపద్మలక్ష్మికి | సముచిత[7]జీవనౌషధ మనంగ, యామినీవిరహివిహంగదంపతులకు | సాంగత్య [8]మొనరించు సఖుఁ డనంగ, భువనాంతరక్షేత్రమున నంశుబీజముల్ | వెదపెట్టు కర్షకవిభుఁ డనంగఁ,

⁠

తే.⁠

బరమమునిపుణ్యపరిపాకఫల మనంగఁ, | [9]బ్రాక్సతీపద్మరాగదర్పణ మనంగ, జంభరిపుసౌధకాంచన[10]కుంభ మనఁగ | సూర్యుఁ డుదయించె [11]నభినందితార్యుఁ డగుచు.

⁠ 155

అమరారి యమరావతి యాక్రమణము

చ.⁠

అట మును మేలుకాంచి, యసురాన్వయనాయకుఁ డాహ్నికక్రియా పటలముఁ దీర్చి, మంత్రిహితబంధుపురోహితవారణాశ్వస ద్భటరథసంఘము ల్గొలువ, బంధురదుందుభినాదసైనికా ర్భటులు చెలంగ, మత్తగజరాజము నెక్కి, మహెూగ్రమూర్తియై.

⁠ 156

1. సంపాదిత - పరతంత్రుండై - వఱకు తీ. ప్ర.లో లుప్తము
2. ప్రమోదితం - త
3. నిధానము - మా
4. కలహార - తి,హ; కల్హార - మ,మా,త,తా,ర,క
5. కుంభ - త
6. వెలి - మా
7. జితజీవసౌధ మనఁగ - త
8. మొదవించు - త
9. మూఁడుమూర్తులతేజంపుముద్ద యనఁగ - తీ
10. మణి యనంగ - ర
11. వందితాచార్యుఁ డగుచు - తా