పుట:వరాహపురాణము (హరిభట్టు).pdf/127

ప్రథమాశ్వాసము

29

వ.⁠

ఇ ట్లనన్యసామాన్యసంపద్విశేషవిరచితసురచయోత్కంఠంబగు వైకుంఠంబు గనుంగొని, పురందరాదిబృందారకబృందంబు వందనం బొనర్చె. భూదేవియుం బ్రాగ్ద్వార ముఖంబున [1]నన్నగరు ప్రవేశించి, హరిమందిరంబు చేరంజని.

⁠ 132

ధరాదేవీకృతవిష్ణుస్తుతి

సీ.⁠

బహుమణిస్థాపితపాదాంగదమువాని, | జాళువాపసిఁడిపచ్చడమువాని, [2]నబ్ధిజాకుచచందనాంకవక్షమువాని, | శ్రీవత్ససౌభాగ్యచిహ్నవాని, హారలతావేల్లితోరుకంఠమువాని, | నవరత్నమయభూషణములవాని, గండస్థలీచలత్కుండలంబులవాని, | నవ్వులు దొలఁకు నాననమువాని,

⁠

తే.⁠

నంబురుహబంధునిభకిరీటంబువాని, | జలధరశ్యామవిగ్రహచ్చాయవానిఁ, బాంచజన్యసుదర్శనప్రముఖదివ్య | సాధనోజ్జ్వలకరచతుష్టయమువాని.

⁠ 133

ఉ.⁠

వారిజపత్రనేత్రములవాని, నుదంచితనాభిపంకజో ద్గారితశారదాధవశతంబులవాని, రమామనోహరా కారమువాని, సంయమినికాయవశంవదచర్యవాని, ల క్ష్మీరమణున్, హరిన్, భువనసేవ్యుని, దైవతసార్వభౌమునిన్.

⁠ 134

క.⁠

వాసవరత్నోత్పన్నవి | భాసముదయభాసమాను, భద్రాసన మ ధ్యాసీనుఁ జక్రిఁ గాంచె మ | హీసతి యానందభరితహృదయముతోడన్.

⁠ 135

క.⁠

ధరణీపతి యివ్విధమునఁ | [3]దరణి శతప్రతిము శౌరిఁ దాఁ గని యంతః కరణమున నలరి యవ్విభు | చరణములకు [4]నెఱఁగి లేచి సంభ్రమ మొదవన్.

⁠ 136

క.⁠

కరకమలంబులు నిటలాం | తరమునఁ గదియించి, దేవతాగురు లక్ష్మీ శ్వరు నిఖిలలోకకుక్షిం | భరు హరి, నిట్లనుచుఁ జేరి ప్రస్తుతి చేసెన్.

⁠ 137

సీ.⁠

దేవ! దేవేశ్వర! దేవారిఖండన! | నిత్య! నిత్యోదయ! నిత్యచరిత! పద్మజపద్మారిపద్మాప్తసేవిత! | భవహర! భవమిత్ర! భవ్యభవన! శతపత్రహితశతశతకోటిసంకాశ! | సర్వజ్ఞ! సర్వేశ! సర్వవినుత! నాగేంద్రనాగారినాగేశవందిత! | కమలాక్ష! కమలేశ! కమలనిలయ!

⁠

తే.⁠

చక్రఖండిత[5] సకలారిచక్ర! చక్రి! పరమపదధామ! పరమేశ! పరమపురుష! నిన్ను సేవింతు సతతంబు నిగమజనక ! | [6]* * * * *

⁠ 138

1. నగరంబు - అన్నిప్ర
2. ఈ పా.ర. ప్ర. లో లుప్తము
3. ధరణీశ వ్రతము - హ,ర,క
4. నొరగి- అన్ని ప్ర.
5. కమలారి - త
6. అన్ని ప్ర.లో పా. లుప్తము