పుట:వరాహపురాణము (హరిభట్టు).pdf/114

16

వరాహపురాణము

క.⁠

పురుహూతాది దిగీశులు, | నరకిన్నరయక్షదనుజనాగాదులు, నం బురుహాసనరుద్రాదులు | హరిరూపముఁ దెలియఁ జాల రమలచరిత్రా!

⁠ 45

మ.⁠

గిరులన్ వృక్షములన్ సరీసృపములన్ - గీర్వాణులన్ వహ్నులన్ ధరణీ దేవతలన్ సముద్రముల మార్తాండావలిన్ యక్షులన్ [1]వరలోకంబుల నాశ్రమంబుల నదీ[2]వ్రాతంబులన్ గోవులన్ హరిరూపంబులుగా నెఱుంగు, [3]మమరాహారోల్లసద్భాషణా!

⁠ 46

ఉ.⁠

భూరితపోమహత్త్వమునఁ బుణ్యమతుల్ సనకాదులు సం సారమునన్ దగుల్వడక, సంతతమున్ హృదయాబ్జకర్ణికా [4]ధారమునన్ సమీరము ను[5]దాత్తత నిల్పి, సనాతనుం జగ త్కారణు విష్ణు, నాత్మఁ బొడఁగాంతురు నిశ్చలభక్తియుక్తులై.

⁠ 47

సీ.⁠

ధర్మంబు గళితమై ధరణి నధర్మంబు | పూర్ణమై యభివృద్ధిఁ బొందినపుడు, గీర్వాణపక్షంబు గీటణంచుటకునై | [6]మించి రాక్షసులు జన్మించినపుడు, వేదశాస్త్రపురాణవిద్యలు [7]పాషండ | కుల[8]దూషితంబులై పొలియునపుడు, [9]సభ్యు లెంతయు నొచ్చి సంచరించిననాఁడు, | పుడమిపై బాధలు పొడమినపుడు,

⁠

తే.⁠

మహిమ చూపట్ట దుష్టనిగ్రహము చేసి | జగము రక్షించుతలఁపునఁ జక్రపాణి మత్స్యకూర్మాది బహుమూర్తిమంతుఁ డగుచుఁ | బ్రతియుగంబున [10]జనియించు భవ్యచరిత!

⁠ 48

సీ.⁠

భువనపావననదీనివహనాయకుఁడగు | నమృతపయోరాశి యాఁడుబిడ్డ, శృంగారరస[11]1సారజీవకళాలీల | మోహనాంగము గల [12]2ముద్దరాలు, తెలిదమ్మిరేకులకిలకిలనగుకన్నుఁ | [13]3గోనలఁ గలుముల నీను మగువ, పద్మసంభవభావభవముఖ్యదివిజసం | ఘాతంబుఁ గడుపారఁ గన్నతల్లి,

⁠

1. పర - తా
2. ప్రాంతంబులన్ - హ
3. మధురా - త
4. ధారమునం దగుల్పడువిధంబు సమీరము - మా
5. దద్జ్ఞత - మ, తి, తీ
6. మేటి - తా; మేధ - త; మేద - మ, మా, ర, హ
7. ధీషండ - మా
8. భూషితం - అన్ని ప్ర.
9. ఇది మ. ప్ర. పాఠము; నిజమైనహరిభక్తి త్యజియించి జనులెల్ల వేషధారణులయి వెలయునపుడు - తి, తీ; దుష్టసంకీర్ణమై శిష్టజనోపద్రవము
   సేయు నిమ్మహి వనరునపుడు హ; మా, త, తా, ర, క ప్ర. లో పాదము లుప్తము
10. జన్మించు-తా
11. పూర-మా
12. ముద్దురాలు - మా
13. గొనలచేఁ గలుముల నొనరుచు సతి - తీ