పుట:వరాహపురాణము (హరిభట్టు).pdf/105

అవతారిక

7

ఆ.⁠

ఆ వధూటియందు నా మంత్రివరునకు | నుదయమంది రర్థి సదయమతులు హేమశైలధీరుఁ డెల్లమంత్రీంద్రుఁడు | పంచబాణనిభుఁడు పంచవిభుఁడు.

⁠ 38

వ.⁠

ఇవ్విధంబున లోకోత్తరగుణరత్నోదారంబగు కాశ్యపగోత్రపారావారంబునం గొలిపాక సర్వయప్రభు గంగాంబికాగర్భశుక్తిమౌక్తికంబు లగు తనూభవులు మువ్వుర లోనం, గృతినాయకుండును [1]రేఖావిజితపంచసాయకుండును నగు నెఱ్ఱయ మంత్రిసార్వ భౌముని త్రిభువనపవిత్రంబగు చరిత్రం బెట్టిదనిన.

⁠ 39

సీ.⁠

తన కీర్తికామినిం గని మునుల్ వాగ్భవ | మంత్రంబు చెప్పి నమస్కరింపఁ, దన మనోహరరూపదర్పక[2]కళఁ జూచి | యువతులు మోహాబ్ధి నోలలాడఁ, దన నీతిసౌష్ఠవంబునకు శాత్రవలక్ష్మి | యభిసారికాలీల నభిగమింపఁ, దన యీగి కులికి యాచనకదారిద్ర్యంబు | లరిరాజమంత్రుల నాశ్రయింప

⁠

తే.⁠

వెలసె, హరిదంతవేదండవితతగండ | మండలస్రావిమదపానమత్తమధుప మధురసంగీతజేగీయమానయశుఁడుఁ, | హేమగిరిధీరుఁ, డెఱ్ఱమంత్రీశ్వరుండు.

⁠ 40

మ.⁠

నవతెంతుం గొలిపాక యెఱ్ఱనికిఁ దేజశ్శౌర్యగాంభీర్యస త్త్వవిభుత్వోక్తి ధనుర్జయోన్నతి [3]శమత్యాగక్రియాకాంతులన్; సవితన్, సాత్యకి, సింధు, సీరి, సురశాస్తన్, [4]సూతు, సేనాని, సైం ధవనిర్భేదను, సోము, సౌమ్యఘను, సంతానంబు, సస్యాధిపున్ఇ.[5]

⁠ 41

సీ.⁠

[6]భుజశౌర్యవైభవసుజనరక్షణముల | నరహరి విఖ్యాతిఁ బరిణమించి, చతురభాషాస్వామిహిత[7]భూతి గరిమల | ఫణినాయకాంగదప్రౌఢిఁ దాల్చి, సమధికసత్త్వతేజశ్శుద్ధిమహిమలఁ | బవనమిత్రస్ఫూర్తిఁ బరిఢవించి, హరికీర్తనజ్ఞానవర[8]కాంతిగుణముల | సురమునిజనకవిశ్రుతి వహించి

⁠

తే.⁠

వర్ణనకు నెక్కె, భారతీకర్ణపూర | సారకహ్లారకర్ణికాస్రావిమధుర మధురసామృతమాధురీమందిరాయ | మాణవాగ్జృంభణుం డెఱ్ఱమంత్రి[9]3వరుఁడు.

⁠ 42

1. లేఖా - మ, త, తి, తీ, హ, ర
2. కథ - త, తి, తీ, హ, ర, మ, మా
3. యశః - తీ
4. సౌరి - తీ
5. ది అక్షరగుణితవృత్తము
6. గూఢ తృతీయము
7. భూరి - త, తా
8. కాంత - హ
9. విభుఁడు - తి, తీ, హ