| తే. |
అష్టఘంటావధాన విశిష్టబిరుద! | నీవు రచియింపఁ దలఁచిన నిరుపమార్థ
రమ్యమగు నీ వరాహపురాణకావ్య | మంకితము సేయు నాపేర [1]నభిమతముగ.
| 17
|
| వ. |
అని సవినయంబుగాఁ గర్పూరతాంబూల[2]లాలితాంబరాభరణాదు లొసంగిన
నంగీకరించి, యేతత్కావ్యకామినీకర్ణపూరం బగు నయ్యమాత్యశిరోమణి వంశావతారం
బభివర్ణించెద. అది యెట్టిదనిన.
| 18
|
కృతిపతి యెఱ్ఱామాత్యుని వంశప్రశస్తి
| శా. |
వేధః పుత్ర మరీచిసంయమికి నావిర్భూతుఁడై, దైత్యభి
ద్బోధానందసమేతుఁడై, సకలజంతువ్రాతకూటస్థుఁడై,
మేధానిశ్చలుఁడై, జగత్త్రయమునన్ మించెం, దపోయజ్ఞదీ
క్షాధన్యుండగు కశ్యపాఖ్యముని, సాక్షాత్పద్మజుండో! యనన్.
| 19
|
| ఉ. |
ఆమునినాథు గోత్రకలశాంబుధిలోపల నెఱ్ఱమంత్రి పూ
ర్ణామృతధాముఁ డుద్భవము [3]నందె; [4]వినిర్మలకీర్తిచంద్రికా
స్తోమము ధాత్రిఁ బర్వఁగ, బుధుల్ గొనియాడఁగ, శత్రుపద్మముల్
మోములు వంప, బాంధవసముద్రము నిచ్చలు నుబ్బుచుండఁగన్.
| 20
|
| క. |
ఆ సచివశేఖరుఁడు గుణ | భాసురయగు మల్లమాంబఁ బరిణయమై, యు
ల్లాసమునఁ గాంచె బుద్ధి | న్వాసవగురుఁ బోల్పఁదగిన నల్వురు సుతులన్.
| 21
|
| సీ. |
పన్నగేంద్రశయాన[5]పన్నీరజధ్యాన | సన్నద్ధనిజబుద్ధి చెన్నవిభుఁడు,
కాంతాజనస్వాంతసంతతవిశ్రాంత | కంతుసౌందర్యుఁ డనంతమంత్రి,
పార్వతీశాఖర్వ సర్వజ్ఞతాగర్వ | సర్వస్వనిర్వాహి సర్వఘనుఁడు,
హేమాచలోత్సంగ - ధామావళీరంగ | సీమా[6]నటత్కీర్తి రామశౌరి
|
|
| తే. |
యనఁగ, విఖ్యాతులై మించి రవధికుధర | చరమపరమాంధకారసంహరణకరణ
తరణి బింబాయమానప్రతాపయుతులు , | [7]మఘవపురకామినీగీయమానయశులు.
| 23
|
| క. |
వారల లోపల నగ్రజుఁ | డై రాజిలు చెన్న సైనికాగ్రణి, యక్కాం
బారమణియందుఁ గనియె మ | హారసికుల, బసవవిభు ననంతామాత్యున్.
| 24
|
- ↑ నభినుతముగ - మా, హ
- ↑ పీతాంబరా-హ
- ↑ నంద మా; డిందె -త
- ↑ వినిర్మిత - తా
- ↑ పదనీరజ - త
- ↑ నఖత్కీర్తి - మా
- ↑ మధుర - మా, తి, తీ, హ, ర
