పుట:వరాహపురాణము (హరిభట్టు).pdf/101

అవతారిక

3

తే.⁠

ఆంధ్రమండల గిరిదుర్గహారలతకు, విమలనాయకరత్నభావము భజించి యున్నతోన్నతశైలసంపన్న మగుచు, సకలపుటభేదనముల నెన్నికకు [1]నెక్కె.

⁠ 10

కొలిపాక యెఱ్ఱయ ప్రాభవము

వ.⁠

ఇవ్విధంబునం జూపట్టుచు, విద్వేషిహృదయఘట్టనంబగు నమ్మహాపట్టనంబున స్థలకరణికాగ్రగణ్యుండై.

⁠ 11

సీ.⁠

హరినీలనిభదేహనిరుపమచ్ఛాయల యమునాసహస్రంబు లవతరింప వివిధరాగాస్పద[2]వేణునాదంబున ఘనసుధాజలధి లక్షలు జనింప లావణ్యపూర్ణలీలాకటాక్షంబుల నంగసంభవకోటు లంకురింప మోహనకల్యాణముఖవిలాసంబునఁ జంద్రార్బుదంబులు సంభవింపఁ

⁠

తే.⁠

గల్పతరుమూలమున గోపికాయుతముగ, మించి క్రీడించు కంబముమెట్టువిభుఁడు మదనగోపాలుఁ డిలువేల్పు మహిమఁ బ్రోవ, నెలమి విలసిల్లెఁ గొలిపాక యెఱ్ఱశౌరి.

⁠ 12

క.⁠

సుతనిధి పరిణయదేవా, యతనతటాకోపవనము లనఁదగు షట్సం తతులు సమకూరె [3]నా కొక, కృతి యందుట యొప్పు ననుచుఁ గృతనిశ్చయుఁడై.

⁠ 13

చ.⁠

సుతులు హితుల్ పురోహితులు శూరులు ధీరు లుదారులుం గళా చతురులు మంత్రిశేఖరులు జాణలు గాణలు వారభామినీ తీవ్రతతులు చేరి కొల్వఁగ సభాభవనాంతరరత్నపీఠికా స్థితుఁడయి, విష్ణుకీర్తన విశిష్టపురాణము లాలకింపుచున్.

⁠ 14

క.⁠

శ్రేష్ఠ శ్రీవిష్ణుకథా, [4]గోష్ఠిన్ మధురామృతంబు గ్రోలుచుఁ గవితా నిష్ఠాద్వితీయదివిజ, [5]జ్యేష్ఠుఁడనగు నన్నుఁ బిలిచి యిట్లని పలికెన్.

⁠ 15

ఎల్లయ, హరిభట్టు శేముషీవైభవము నభినందించుట

మ.⁠

అమృతప్రాయ[6]వచోవిశేషరచనాహంభావపుంభావవా గ్రమణీమూర్తివి, వేదశాస్త్రవివిధగ్రంథార్థనిర్ణీతి, వే కముఖబ్రహ్మవు యాజుషప్రకటశాఖాధర్మధుర్యుండ, వ ర్యమతేజుండవు, [7]రాఘవార్యహరిభట్టా! సత్కవిగ్రామణీ!

⁠ 16

1. నెక్క - తీ
2. వేణునినాదంబు ఘన - త
3. నా కిఁక - తా
4. గోష్ఠీమధురా - త, హ
5. జ్యేష్ఠుడగు - మా
6. విశేషకావ్యరచనాహంభావవాగ్రామణీమూర్తివి - మ; యశోవిశేషరచనాహంభావసంభావవాగ్రామణీ - తా; విశేషకావ్యరచనాహంభావవాగ్రామణీ రమణి - తి; విశేషకావ్యరచనాహంభావపుంభావనారమణి - తీ; విశేషకావ్యరచనాహంభావవాగ్రామణీదమసమ్మూర్తివి - హ; విశేషకార్యరచనాహంభావవాగ్రామమూ ర్తివి - ర
7. రాఘవార్య - తి,హ,ర