ఇత్తెఱంగున నుత్తము లైనసూనులం బడసి వైమానికత్వంబున నాకంబునకుం జని
సుఖంబున నున్న మఱి మరీచ్యాదు లేడ్వురలో నమూర్తులు మువ్వురు సమూర్తులు
నల్వురు వీరు దేవతలకుం బితరులై తద్దేవతలుం బూజింప యుగశతపర్యన్తంబు
సనాతనలోకంబుల వసియించి వెనుక బ్రహ్మవాదులై జనించి తమపూర్వసాంఖ్య
మతంబునఁ గొంతకాలంబు వర్తించి పునరావృత్తిరహితయోగసిద్ధిం గాంచి యోగ
బలంబున సకలయోగులకు యోగాభివృద్ధి గావింపుదురు గావున వారికి శ్రాద్ధంబులు
చేయవలయు నిది పితృప్రథమసర్గంబు మఱియు ననేకప్రకారంబులఁ బితరులు సప్త
లోకంబుల నిలిచి భూలోకవాసులు భువర్లోకవాసుల భువర్లోకవాసులు మరీ
చ్యాదు లైనసువర్లోకవాసుల సువర్లోకవాసులు కల్పోపవాసిసంజ్ఞు లైనమహాలోక
వాసుల మహాలోకవాసులు సనకాదు లైనజనలోకవాసుల జనలోకవాసులు వై
రాజు లైనతపోలోకవాసుల దపోలోకవాసులు సత్యలోకవాసులఁ బూజింపు
దురు వసుసాధ్యరుద్రాదిత్యాశ్విమరుదృషులు నేతత్కన్యకాసముద్భవులును వశిష్ఠ
బ్రహ్మపితరు లైనయగ్నిష్వాత్తాదులు బ్రహ్మక్షత్రవైశ్యులకు సమత్వంబునం బూజింప
నర్హులు శూద్రజాతికిం బితరులు వేర లేనినిమిత్తంబున శూద్రులు బ్రహ్మక్షత్రియ
వైశ్యానుమతంబున సర్వపితరులం బూజింపుదురు భట్టారకా యెట్టిమహాత్ములకుం
బితృవర్గంబు సమస్తంబును సవిస్తరంబుగా వచియింప నశక్యంబగుటం జేసి సం
క్షేపరూపంబునం జెప్పితి వ్యతీపాతాయనవిషువచంద్రసూర్యగ్రహణసంక్రమణ
దర్శాదిపుణ్యకాలంబుల నక్షత్రగ్రహపీడాసమయంబుల దుస్స్వప్నావలోకనంబు
ల నూతనధాన్యాగమనంబుల విశిష్టద్రవ్యపాత్రలాభంబుల గంగాదిమహాతీర్థంబుల
శక్త్యనుసారంబున శ్రాద్ధకర్మంబు సలుపుట ధర్మంబు శ్రాద్ధకర్మంబు సలుప
విత్తంబు దొరక దేని తిలతర్పణంబు లిచ్చిన శ్రాద్ధఫలంబు సిద్ధించు నత్తిలతర్పణం
బులు దుర్గభంబు లైన ధేనువునకు నేకాహ్నికగ్రాసంబు గొని పెట్టినం జాలు నిఖిలా
భావఁబున వనంబునకుఁ బోయి సూర్యాదిలోకపాలసాక్షిగా నూర్ధ్వబాహుండై
తననిర్ధనత్వంబు పితరులకుం బెద్దయెలుంగున విన్నవించుట సముచితంబు నాకు
నీపైతృకరహస్యంబు చతురాస్యతనూజుం డైనససకానుజుండు తెలిపె నింక
శ్రాద్ధయోగ్యాయోగ్యుల వినుము.
