ఇట్లు చేరి వారివిహారోపయోగ్యంబులుగా సరోవరలక్ష్మి దమకు నాయితంబు చేసి
పెట్టిన కుంకుమగంధంపుముద్దలచందంబున నున్నతీరస్థలపతితజంబీరచూతమాతు
లుంగఫలంబులం గనుంగొని మజ్జనావసానంబునఁ గర్ణికాసీన యైనసరోలక్ష్మి తడి
యాఱ విప్పినకేశపాశంబులలాగునఁ జెలంగు సారసోపరిపరిభ్రమద్భ్రమరంబులఁ
గనుంగొని సకలాంగంబుల సరోలక్ష్మి ధరించినవజ్రమణిమయభూషణంబులతళు
కులవిధంబున నెగరుతగరుమీలం గనుంగొని ప్రతికమలసౌధవీథివిహారఖేదంబునం
బ్రాదుర్భవించినఁ గొనగోళ్ళం దిగిచి సరోలక్ష్మి మాటుకుచకపోలఫాలస్వేదకణం
బులచాడ్పునం దూలురంగతరంగజలబిందుసందోహంబులం గనుంగొని సలిలాధి
దేవతలం గూడి సరోలక్ష్మి వేడుక నాడెడుకందుకంబులకైవడిఁ గ్రీడించుపునః
పునరుత్పతనపరాయణంబు లైనలకుముకులం గనుంగొనుచు సహోదరవాత్సల్యం
బున సరోలక్ష్మికిం బరిచర్య గావింప సంపూర్ణచంద్రుండు పంపిన కిరణమాలికల
కైవడిం గ్రాలురాజమరాళంబులం గనుంగొనుచు వినోదవాదనాంతరంబున సరో
లక్ష్మి నిలిపినదంతప్రవాళసమంచితవిపంచిపోలికం దిలకించుచంచుదష్టైకమృణాళ
కాండచక్రవాకదంపతులం గనుంగొని నీరాటకు వచ్చు మదవతీవతంసంబుల నర్చింప
సరోలక్ష్మి గంధాక్షతలు సంధించి కుదురుపఱచినపచ్చలహరివాణంబులరూపంబున
దీపించు మధూళిమిళితకుసుమధూళీపుంజకింజల్కరంజితపద్మినీపత్రంబులం గనుంగొని
తత్కాసారంబుసౌభాగ్యంబునకు మెచ్చి పాదకటకంబులు పుచ్చి ధమ్మిల్లబంధం
బులు బిగియ ముడిచి విచిత్రాంబరంబులు విడిచి జిలుఁగుపావడలు గట్టి పరస్పర
కరంబులు పట్టి సౌపానంబులు డిగ్గి మిథ్యాలసత్వంబునఁ జేతులమీఁద మ్రొగ్గి
చెఱకువిలుకానిబరిగోలలతెఱంగున మెఱసి నిర్మలాంబుపూరంబులు దఱిసి కంజ
కల్హారకైరవబిసకిసలయగ్రహణసమయంబునం గలహింప నొండొరులవలనం బుట్టు
హుంకారంబుల బెదరి కులాయంబులు విడిచి గగనంబున కెగయుహంసక్రేంకా
రంబులు రేఁగి వికస్వరతామరసాగ్రంబులఁ గించిదుడ్డీనంబు లైనచంచరీకంబుల
