పుట:వరాహపురాణము (నంది మల్లయ, ఘంట సింగయ).pdf/59

⁠

కాంత ననలు వలపు గలవి గావు గావునం దొఱంగు గోతి చిలుకపెంటి మగనిఁ గూడు గూడు చేరఁ జనకు నాతి పుష్పములకుఁ గా వనాన నాన వెట్టుకొనకు తనువలగ్న మీఁదఁ దేఁటిదాఁటు దాఁటుఁ జెట్టు వంప వనిత యెట్లు వచ్చు వన్నె వాసి వాసినం జరింప భామ తోడివారిఁ బిలువఁ బంచి పంచిపెట్టు తేనె వామ కుముదదామకంబు వాడ వాడవైతి వౌనె కన్నెచంటి ముంట గీరఁ గన్నఁ గన్నతల్లి దిట్టు నన్ను సకియ నిట్టు లేటి కంటి కంటి కెఱ్ఱ పుట్టు కోమలాంగి పాటలములు గూర్చు గూర్చుబోఁటి జోక కామినీలలామ బంతి గట్టు గట్టు వాపు గాఁగ తెఱవ యెచటనుండి పాలు తెంచి తెంచితే సరాలు మెఱుఁగుబోడి చెక్కుచెమట మీటు మీటు మిగులఁ జాలు చెలువ కేతకములు తావి చేరు చేరువలకుఁ బొమ్ము లలన జోటి మనమతుల్ గలంచ లంచ మందె నమ్ము పొలఁతి ప్రేంకణంబు చూడఁ బుచ్చఁ బుచ్చడిక మసలు నెలఁత చైత్రమాసమున జనించు నించువిలుతుపసలు.

⁠ 92

ఉ.⁠

అంచు మదాంధగంధగజయానలు పువ్వులు గోసి మూఁకలై కాంచనశైలశృంగములఁ గల్పకవల్లుల దర్పణంబులం గొంచెపుమంచు పట్టుగతి గుబ్బల మేనులఁ జెక్కులం గదం బించుచు ఘర్మబిందువులు పిచ్చిల బంతులవాటు లాడఁగన్.

⁠ 93

గీ.⁠

రాచకూఁతులసకియలు రత్నవతియుఁ, గదళికయు వచ్చి వారించి కమలగర్భ గేహినీహస్తమణివల్లకీనినాద, బాంధవము లైనమంజులభాషణముల.

⁠ 94

సీ.⁠

చెలులార పువ్వులు చిదిమినఁ బుష్పబాణాసనునకుఁ గీడు చేసినారు తరుణులార చివుళ్ళు దడవినఁ గలకంఠదంపతులకు నఱ్ఱు దలఁచినారు రాజాస్యలార మరందంబు ముట్టినఁ జంచరీకంబులఁ జంపినారు రమణులార ఫలాలు రాల్చినఁ గీరపోతములప్రాణములకుఁ దప్పినారు కోకకుచలార కొలనికి రాక యిచట, నొకతె నిలిచిన రాకుమారికలయాన ద్రోచినా రని పలుక వధూటికాల, లామలు ధనాధిపారామసీమ వెడలి.

⁠ 95