పంచారించిన పంచాననంబు నెక్కి ముక్కంటిం దలంప నతండుం గ్రక్కున నంది
టెక్కెంబుతోడుత ముందట నిలిచిన సవినయంబుగా బహూకరించి దేవా
సకలభూతసంహారకారి వైననీపంపున నిలింపారిపరంపరల వెంపరలాడెదం జూడ
నవధరింపు మంచు ధనుర్గుణంబు సారించి వెక్కసంబుగ నాకసంబున నాడు
రాకాసితూఁపుఁదూనీఁగలకుం దగ వాలుపవాన గురిపై నప్పు డసురవిసరకిరీటం
బులవలన రాలుహీరశకలంబులు వడగండ్లవడువున మెఱసె నీరీతి నమరారాతి
నికాయంబును నమ్మహామాయయు నేయుసాయకంబులు నిండి తోయజభవాం
డంబు సూదులక్రోవిపగిదిం గనుపట్టె శరపంజరంబునడుమ నడంగి పొడగానరాని
భానుబింబంబునకుం బతంగనామంబు సార్థం బయ్యె దేవీమతల్లికాభల్లముఖోల్లు
నంబు లైనదైతేయకేతనంబులు వారలకీర్తులు వోలె నేలం గూలి మాలిన్యంబు
వహించె నారాయణికరచక్రధారావిదారితైకోరువులై విల్లూఁతగా నిలిచిననిశా
చరవీరులు సురాంగనాపరిష్వంగసుఖంబు గోరి యేకపాదస్థులై తపంబు సలుపు
చందంబు వహించిరి మహాశక్తి శక్తిభిన్నహృదయులై నిజవాహనంబుల నిలువరింప
లేక తల్ల కెడవుగాఁ ద్రెళ్ళుయాతుధానపుంగవులు రణరంగంబునం బిల్లమెఱములు
వ్రేయు తెఱంగులు దాల్చిరి వైష్ణవి విడిచివాటు వైచినకుంతంబుతోడన రక్తసిక్త
వసుంధరం బొరలునక్తంచరులు రణభైరవవ్యాధుండు నిప్పుకలపయిం దిప్పుకఱ
కుట్లకరణిం గైకొనిరి మాధవీముసలఘాతపతద్రదనవదనులై దనుజులు దంపునప్పుడు
చెదరిపడుప్రాలతోడిమహోలూఖలంబులం బోలిరి చండికాసముద్దండపాశంబు
నం దగులువడి గింజుకొనుమనుజాశనులు పన్నినవలలం బడి తన్నుకొనుమన్ను
బోతులరీతి నుండిరి లోకమాతచేతిలవణిపెట్లచేతం జెల్లాచెద రగుపసిఁడిచిప్పల
జోళ్ళతోన గులగుల లైనశరీరంబులతోడ సోలుకీలాలపులు సంబెట నడిచిన వెడలు
మిడుంగుఱులతోడియినుపకట్లచుట్టంబు లైరి పంకజగేహిని బాహుపాశాంకుశంబు
న౦ గ్రుచ్చి యెత్తిన వేలు వేలుపుంబగ రర గిట్టి గాలంబులతోడిదొంగలభంగి నంగీక
రించిరి యివ్విధంబున నపరాభూతవిక్రమంబున నపరాశక్తి విజృంభించినం గని సం
రంభంబునం గుంభిరూపధరుం డగుయజ్ఞహరుం డనుమహాసురుండు తొండంబునఁ
జుట్టిపట్టి కొండలు రువ్వుచు నసహ్యవదనగహ్వరబృంహితంబుల గహ్వరివిహాయ
సంబులు చలియింప సముత్తాలకర్ణతాలవాతూలంబుల నూర్ధ్వలోకంబు లుఱ్ఱూఁత
లూఁగ వీఁగనిచలంబున నెదురు నడచిన.
