పుట:వరాహపురాణము (నంది మల్లయ, ఘంట సింగయ).pdf/223

రగడ.⁠

శ్రీవాగీశ్వరి సృష్టివ్యాపిని | భావితనిగమప్రకరాలాపిని తారతారకాధవధవళాంశుక | సారసమృదుకరసంభృతసితశుక శరణాగతజనసర్వసిద్ధికరి | పరమజ్యోతివిభావరి శాంకరి వనజభవాండవ్రజమణిహారిణి | సనకాదికహృత్సౌధవిహారిణి సర్వభూతమయి సర్వాక్షరమయి | సర్వతత్త్వమయి సర్వసిద్ధిమయి జగదంబ సరస్వతి విద్యేశ్వరి | సగుణా నిర్గుణాశ్రయ పరమేశ్వరి యేకాక్షరయు ననేకాక్షరయును | నాకాశామృతమృతాక్షరయును జ్ఞాననిధియుఁ బరశక్తియు ననునభి|ధానము లెప్పుడుఁ దాల్చుచుఁ గడునభి రామరూప యగుబ్రాహ్మీని నీ వని | కామజనని రక్తచ్ఛవిపావని అపర యనెడునారాయణి నీ వని | విపులతనుద్యుతివిజితోత్పల యని శబలునికలాశక్తియు నీ వని | ప్రబలపరాపరరౌద్రివి నీ వని సృష్టియు నీ వని స్థితియు నీ వని | తుష్టియు నీ వని తుదియు నీ వని ప్రణవము నీ వని బ్రహ్మము నీ వని | యణురేణుతృణాద్యంబులు నీ వని యెఱిఁగినవారికి నిహపరసుఖములు | తఱుగవు తొలఁగును దవ్వుల నఘములు వేల్పులకొఱకై వివిధాకారము | దాల్పఁగ నీ కిది దగినవిహారము క్రొన్నెలతాలుపుఁ గొలిచిన భక్తులు | ని న్నెఱింగి సంధింతురు ముక్తులు స్వస్తికారిణి చాఁగులు నీకును | బ్రస్తుతసద్గుణప్రణతులు నీకును మంత్రాకారనమస్కృతి నీకును | తంత్రఫలప్రదదండము నీకును చిదమృతసారమ జేజే నీకును | మొదలిదైవతమ మ్రొక్కెద నీకును.

⁠ 26

క.⁠

ధాత్రీ ధాత్రీరిత మగు, నీత్రికళాస్తవము చదివి ఋతుమతుల మృగీ నేత్రలఁ గూడినఁ గలుగుఁ బ, విత్రులకుం బుత్రపౌత్రవిభవసమృద్ధుల్.

⁠ 27

మ.⁠

విను మింకన్ మును మంథశైలమునకున్ విచ్చేసి తద్రమ్యసీ మ నిరూఢామరభూజవాటమునఁ గౌమారవ్రతాసక్తి నుం డిననారాయణి రాజసప్రకృతితో నిష్ఠం దపం బాచరిం చె ననేకాబ్దము లంత నయ్యబల రోషించెన్ బ్రయాసంబునన్.

⁠ 28

వ.⁠

ఇట్లు రోషమందరక్షుభితం బైనతద్దేవిదివ్యచిత్తం బనుదుగ్ధసాగరంబునకు నచ్చర లై స్వయంప్రభ విద్యుత్ప్రభ చంద్రప్రభ సూర్యప్రభ చంద్రకాంతి సూర్యకాంతి చారుకేశి సుకేశి మంజుకేశి యూర్వశి గంభీర విభావరి చారుముఖి చారుకన్య ధన్య శూలిని శీలమండన దేవగీతి యపరాజిత జయ విజయ జయంతి గిరిసుత ఘృ తాచి విశాలాక్షి పీనపయోధర మొద లైనకుమారికలు పాశాంకుశంబులు కరంబుల

⁠