పుట:వరాహపురాణము (నంది మల్లయ, ఘంట సింగయ).pdf/208

⁠

నెఱింగించెద మందరపరిసరంబున సర్వర్తువర్తమానఫలపుష్పపల్లవాస్వాదమోదిత శుకచంచరీకపికపత్రరథం బగు చిత్రరథం బనువనంబు మెఱయుఁ దదుద్యానమ ధ్యంబున మరందరసమదాంధపుష్పంధయబంధుసౌగంధికగంధజనితగంధర్వవినో దం బగునరుణోదం బను కాసారంబుతీరంబున సితాంతఃకుముదకరవీరమహానీలకుబ్జ సిబిబిందుకుముదవేణుమత్సుమేఘనిషధవేదపర్వతంబు లనం బదునొకండుకొండ లుండు గంధమాదనసవిధంబున రక్షోయక్షసిద్ధవిద్యాధరాదికాహ్లాదనం బగుగంధ మాదనం బనువనంబు గనుపట్టుఁ దదారామసీమంబున నిజాధీనాయతదివ్యమౌని మానసం బగుమానసం బనుకొలనికెలంకునఁ ద్రిశిఖర శిబిర కపింగ పిశంగ రుచక సానుమ త్త్రాతభ విశాఖ శ్వేతోదర సుమూల వసుధాధర రత్నధార రైకశృంగ మహామూల గజశైల విశాఖ పంచశైల కైలాస హిమవంతంబు లనం బందొమ్మిది నగంబు లంద మొందు విపులాచలసమీపంబున నిరంతరవిహరమాణచరమకకుభ్రా జం బగువైభ్రాజం బనువనంబు విలసిల్లు తాత్కాంతారాంతరంబునం బరిహృత మజ్జనజగజ్జనమనస్తోదం బగుసితోదం బనుసరోవరంబుదరిఁ గపిల పింజర భద్ర సురస మహాబల కుముద మధుమ దంజన మకుట కృష్ణ పాండుర సహస్రశిఖర పారియాత్ర శృంగవజ్జారుధు లనఁ బదియేనుసానుమంతంబులు గానంబడు సుపా ర్శ్వపార్శ్వంబున సంతతవసంతకంతుభవనం బగుసవితృవనంబు శోభిల్లుఁ దదాక్రీ డాక్రోడనంబున డిండీరమండలప్లవరిరంసహంససంవత్సరిహసిత సముద్రం బగుమహా భద్రం బనుకమలాకరంబుసకాశంబునం బెక్కుశైలంబులు నిలుచు నీనగంబుల యెడనెడలం గలకొలంకులుం గోనలు వనంబులు బయళ్ళును సవిశేషంబుగా నెఱింగించెద వినుండు.

⁠ 122

గీ.⁠

కుముదశైలసితాంతాచలముల నడుమ, నూఱుయోజనములును మున్నూఱుయోజ నములు వెడలుపు నిడుపునై విమల మగుచు, శ్రీసరోనామసరసి ప్రసిద్ధి మెఱయు.

⁠ 123

శా.⁠

ఆకాసరములోన పద్మవనమధ్యంబందు నక్తందివ వ్యాకోచం బయి కోటిపత్రసహితంబై బాలభానుప్రభం బై కానంబడు నొక్కతామర సుగంధాలోలరోలంబ మం దేకాలంబు వసించు లక్ష్మి సురయోగీంద్రుల్ తనుం గొల్వఁగన్.

⁠ 124

సీ.⁠

తచ్ఛ్రీసరస్తీధరణి నిన్నూఱుయోజనములనిడుపు యోజనశతంబు వెడలుపు గలుగుమారెడుతోఁట విలసిల్లు శ్రీవనం బనఁగఁ బ్రసిద్ధ మగుచు నందలితరులు క్రోశార్ధోన్నతములు శాఖాసహస్రచ్ఛన్నఖస్థలములు వానిపువ్వులు ఫలావళులు భేరిప్రమాణము లమృతోపమానములు తొడిమ

⁠