పుట:వరాహపురాణము (నంది మల్లయ, ఘంట సింగయ).pdf/130

శ్రీ

వరాహపురాణము

సప్తమాశ్వాసము

క.⁠

శ్రీనరకంఠీరవభయ, దాననగహ్వరమహాట్టహాసకఠోర ధ్వానదళితాష్టదిగ్విజ, యానక యీశ్వర వసుంధరాధిపునరసా.

⁠ 1

వ.⁠

అవధరింపు మవ్వరాహదేవుండు సర్వంసహకు ని ట్లనియె నట్లు మహాతపోమునీశ్వ రుండు నందోత్పత్తి చెప్పి ప్రజాపాలుం గనుంగొని నరేంద్రా యింక దిక్కుల జన్మంబు విను మని వివరింపం దొడంగె నాదిసర్గంబున నైసర్గికమహామహుండు పితామహుండు తనవినిర్మింపం గలప్రజల కవకాశం బెట్లు దొరకునో యని చిం తించుచున్న యవసరంబున.

⁠ 2

క.⁠

అక్కమలజుకర్ణంబులఁ జక్కనికన్యకలు పదురు జనియించిరి లేఁ జెక్కులడాలు తళుక్కుత, ళుక్కు మనఁగ వాలుఁజూపులు పిసాళింపన్.

⁠ 3

సీ.⁠

ఆకన్యకలలోన నార్వురు ముఖ్యలై పరఁగఁ బ్రాగ్దక్షిణపశ్చిమోత్త రోర్ధ్వాధరాఖ్యల నున్ననల్వురు భారతీనాథునకు మ్రొక్కి దేవ మాకు నిలువ ఠావులు వల్లభులు వలె నని విన్నవించిన శతకోటివిస్తృతంబు బ్రహ్మాండ మిందులోపల నిచ్చ వచ్చిననెలవుల నిలువుండు నెలఁతలార మీకుఁ బ్రాణేశ్వరుల వినిర్మింతు ననిన, నట్ల వసియించుటయు సరోజాసనుండు నధికబాహుప్రతాప దృప్తాసురేంద్ర, హరణశీలుర లోకపాలుర సృజించి.

⁠ 4

సీ.⁠

పవిపాణి నొకతెకుఁ బ్రాణవల్లభుఁ జేసి పావకు నొకతెకు భర్తఁ జేసి దిననాథసుతు నొకతెకుఁ బెనిమిటిఁ జేసి మనుజాశి నొకతెకు మగనిఁ జేసి మకరాకరస్వామి నొకతెకుఁ బతిఁ జేసి వాయువు నొకతెకు వరునిఁ జేసి యక్షేంద్రు నొకతెకు నధినాయకునిఁ జేసి యీశాను నొకతెకు నీశుఁ జేసి తాను శేషోరగంబు నూర్ధ్వకు నధరకుఁ, గర్త లైరి వసుంధరాకాంత నాఁడు మొదలు గాఁ గల్గె నైంద్రిప్రముఖము లైన, నామధేయంబు లష్టదిక్కామినులకు.

⁠ 5

క.⁠

దశమీదివసంబున నీ, దిశలు వొడమెఁ గానఁ దత్తిథిం గథ విని ద ధ్యశనము మానవులు భుజిం, ప శాశ్వతబ్రహ్మలోకపదవులు దొరకున్.

⁠ 6