పుట:వరాహపురాణము (నంది మల్లయ, ఘంట సింగయ).pdf/103

⁠

తించిన నమ్మహితుండు మిమ్ము వినోదార్థంబు కల్పించితి నింతియ కృతకృత్యుఁడ నైననాకు మీవలన నయ్యెడుకార్యం బేమి మీరు విచారింపవలవదు మూర్తామూర్త రూపంబులు మీకు రెండేసి యిచ్చితి మూర్తరూపంబుల నవతరించి హవ్యవాహ నాశ్విగౌరిగణపతిప్రభృతినామంబులం దాల్చి వర్తించి కడపట నావిగ్రహంబు ప్రవేశింపుం డని వరం బిచ్చిన సంతసిల్లిరి నారాయణుమహత్త్వం బిట్టిది వారల జననంబును వారలభోజ్యంబులు వారలతిథులు వారల నర్చించువిధంబును రహ స్యంబుగా వక్కాణింతు వినుము.

⁠ 80

సీ.⁠

పరమాత్ముఁ డణువు నభస్స్వరూపంబు సర్వజ్ఞుండు నైననారాయణుండు మొదలఁ దా నేకత్వమున వినోదము సల్పుచో భోగకాంక్ష సంక్షోభితాత్ముఁ డై నిల్వ భగవదాహ్వయమహాసలిలంబు వెడలె నానీరంబు వికృతిఁ బొంద నాలోలకీలాక రాళానలము సంభవించే నాదహనంబు వికృతిఁ బొంద వాయువు జనించె నాగంధవహము వికృతిఁ, బొంద గగనంబు పుట్టే నీచందమున జ లాగ్నిపవనాంతరిక్షంబు లవతరించె, కలయఁబడ నంత ననలంబు గాలి గూడి.

⁠ 81

గీ.⁠

నీరు శోషింపఁజేయఁగా నింగి విఱిగె, నప్పు డప్పావకసమీరణాంబరములు నాలుగును గూడి కఠినపిండత వహించె, నట్టిపిండంబు పృథ్వీసమాఖ్యఁ దాల్చె.

⁠ 82

గీ.⁠

వినుము నరపాల తత్పృథివికి జలాది, యోగకాఠిన్యమున గంధ మొకగుణంబు కల్గి నాల్గింటిగుణములు కలయ గుణము, లైదు సమకూఱె నదియ బ్రహ్మాండమయ్యె.

⁠ 83

సీ.⁠

ఆకాండభాండమధ్యంబునఁ బరతత్వమూర్తి విష్ణుఁడు చతుర్ముఖచతుర్భు జంబులతోడఁ బ్రాజాపత్యరూపంబు ధరియించి సృష్టివిధానమునకు వగఁ గాన లేక తీవ్రంబుగా రోషింప నారోషమున సహస్రార్చి యైన భయదానలము పుట్టి బ్రహ్మాండము దహింప నజుఁడు వీక్షించి బ్రహ్మాండ మెల్ల గాల్ప హవ్యంబు కవ్యంబు దాల్పు మనుచు, నాన తిచ్చినకతమున హవ్యవాహుఁ డై మహాత్మకనాబుభుక్షాతురత్వ ,మడఁగుచందంబు చెప్పంగ నవధరింపు.

⁠ 84

వ.⁠

అని విన్నవించినఁ బ్రసన్నుండై జగన్నాటకసూత్రధారుండు హవ్యవాహనా నీవు యాజకదత్తదక్షిణల సంతృప్తుండవై దేవతలకుఁ దద్భాగంబు లిచ్చుచు దక్షిణాగ్ని నామంబును సకలస్థలంబుల నాహవనీయంబులు వహించి తదంశంబులు సుపర్వు లకు సమర్పించుచు నాహవనీయాభిధానంబును వివిధప్రాణిశరీరంబులు గృహంబు లనం బరంగు నాగృహంబులకుం బతివై గార్హపత్యాహ్వయంబును నిన్ను నుపా సించువిశ్వనరుల సద్గతిం బొందించుచు వైశ్వానరసంజ్ఞయు బలధనంబులకు ద్రవి ణం బనుశబ్దంబు చెల్లుట నాద్రవిణం బొసంగుచు ద్రవిణదాఖ్యయుం గలిగి విహ

⁠