పుట:వరాహపురాణము (నంది మల్లయ, ఘంట సింగయ).pdf/102

⁠

జేసిన మురారిచరణరాజీవభక్తి, గౌరవం బను పేరోడు గలిగెనేని ఘోరభవసాగరము దాటి చేరవచ్చు, మోక్ష మనుదీవి మానవాధ్యక్షతిలక.

⁠ 76

క.⁠

కావున శ్రీహరిపదరా, జీవద్వంద్వంబు సేవ చేసిన జనులే కైవల్యరాజ్యలక్ష్ముల, తో విహరింపుదురు తప్పదు సుమీ యనినన్.

⁠ 77

గీ.⁠

అనఘ యేరీతి నారాయణాంఘ్రిపంక, జములు గొలుతురు నావుడు సంయమీశ్వ రుండు భూపాల విను పురంధ్రులు పురుషులు, శ్రీహరిపదాంబుజములు భజించువిధము.

⁠ 78

సీ.⁠

అబ్జభవాండమధ్యంబునఁ గలిగినబ్రహ్మాదిసురకదంబములు విష్ణు వలనఁ బుట్టినవేదములు చాటి చెప్పు నన్నారాయణునిశాసనమునఁ గనక గర్భుదేహమున నావిర్భవించినపావకాశ్విహైమవతీగజాననాహి కార్తికేయాహిమకరమాతృదుర్గాదిశాధీశహరిదండహస్తరుద్ర సోమపితరులు తమలోన మేమ మేమ, దొడ్డవార మటంచు వాదునకుఁ జొచ్చి రొదలు చేయంగఁ దా నొక్కరుండు పాయ, గిలి విచారించి దహనుండు పలికె నగుచు.

⁠ 79

వ.⁠

మూఢులార వృథాకలహంబు మాని సకలాధికుండ నేన నన్ను సేవింపుఁడు మద్వి రహితంబై బ్రహ్మదేహంబు నిలుచుట యెట్టు చూడుం డని వెడలిపోవ నప్పితామహు దేహంబు కసుగందక పూర్వప్రకారంబున నుండె నప్పుడు ప్రాణాపానస్వరూపం బు లైననాసత్యులు వాక్స్వరూపం బైనగౌరియు నభస్స్వరూపం బైనవినాయ కుండును ధాతుస్వరూపంబు లైనభుజంగంబులు నహంకారస్వరూపం బైనకార్తికే యుండును జక్షుస్వరూపం బైనసూర్యుండును గామక్రోధాదిస్వరూప లైనమాతృ కలు నైశ్వర్యస్వరూపం బైనదుర్గయు శ్రవణేంద్రియస్వరూపంబు లైనదిక్కులు వాయుస్వరూపుం డైనకుబేరుండును మనస్స్వరూపుం డైనవిష్ణుండును ధర్మస్వ రూపుం డైనయముండునుఁ గోపస్వరూపుం డైనరుద్రుండును దన్మాత్రస్వరూపు లైన పితరులు క్రమక్రమంబున వైశ్వానరునట్లు పలికి వెడలి పోవ నప్పితామహు దేహంబు షోడశాత్మకుండు నానందమయుం డైనసోముచేత నాప్యాయితంబై కసు గందక పూర్వప్రకారంబున నుండిన విలోకించి వీతిహోత్రముఖక్షేత్రాధిదేవతలు నైక్యంబునం బొంది సోమాభిధానుం డైనపరమేశ్వరు నుద్దేశించి దేవా పావక ప్రాణాపానవాగంబరధాత్వహంకారనయనకామక్రోధలోభమోహమదమాత్సర్య భూమికైశ్వర్యశ్రవణపవనమనోధర్మరోషతన్మాత్రలు నీవ యట్లగుట యెఱుంగక దురభిమానంబున మేము లేక నిర్వహింప దని భవదీయదివ్యశరీరంబు విడిచి వెడం గుల మైతిమి మమ్ము నిర్మించిననీవ విగతస్థానులం జేయక మన్నింపు మని సన్ను

⁠