| చ. |
పలికిన పల్కు లెల్లఁ బరిపాకము దప్పఁగ ఖండశర్కరల్
ఫలములు జున్ను లుక్కెరలు పక్వము లింక మనోహరంబులే
దలఁచిన పద్యమంతయు సుధారసమౌనఁట వేంకటాద్రిరా
ణ్నిలయుని కింకిటం గృతి ఘటింపక మానుట మాకు నేటికిన్.
| 27
|
27. పరిపాకము = అంతట పక్వమగుట.
| వ. |
అట్టి చుట్టుకైదువ జగజెట్టికి విడిచిపట్టయిన పెట్టె
బెట్టు దిట్ట గట్టు కట్టుమట్టు దిట్టతనం బెట్టిదనిన.
| 28
|
28. చుట్టుకైదువ జగజెట్టి = చక్రాయుధంబుగల మహాశూరుఁడు. పెట్టెబెట్టు దిటగట్టు = శేషాద్రి, కట్టుమట్టు = కడుదృఢమయిన.
| సీ. |
శ్రీఖండ నగపటీరాఖండసౌరభ
వ్రజదాయి యేగట్టు వంటచెఱకు
నాసత్యసుఖవర్త నాసత్యభైషజ్య
జీవాతు వేగట్టు చేదుచెట్టు
రమణీయతరశచీరమణీరమణమణి
కుట్టాక మేగట్టు చెట్టుఱాయి
ధూర్జటి స్ఫుటజటాంతర్జటీవాటి సిం
ధు స్పర్ధి యేగట్టు దొనల నీరు
|
|
