88. చదురుల్ = చతురవాక్యములు.
క. |
పడఁతుల వెంటనె ప్రియసతి
నడిఁ జనఁ బడవైవఁగాఁ గవాటము సందిం
బడి యొక్క తె జడ జిక్కెం
గడు విభు నెద నాటు మదనఖడ్గముఁ బోలెన్.
| 89
|
క. |
రమణీరత్నం బయ్యెడ
రమణుఁడు చేయంటి లాఁగ రాక మణిస్తం
భము వట్టి పెనఁగి తరువ
ల్లిమతల్లిక చెల్వునఁ గదలెను దమకమునన్.
| 90
|
మ. |
కులుకుం దోరపుగుబ్బ లంటుదునొ తళ్కుం బెన్నెరుల్ వట్టి కెం
దలిరుందేనియమోవి యానుదునొ యందంపుందనూవల్లికన్
సొలయం గౌఁగిటఁ జేర్తునో కనుగవం జుంబింతునో యంచు మిం
చొలయన్ రాజు మనం బపూర్వకృతి కిట్లుఱ్ఱూత లోగెం గడున్.
| 91
|
క. |
ధరణీరమణుఁడు పయ్యెద
సరవిం గొని తివియ మగువ స్వస్తికబంధో
ద్ధురబాహాంతర యగుచో
స్మరసంగరమునకు మల్ల చరుచుటఁ దెల్పెన్.
| 92
|
92. స్వస్తికబంధ = చేతు లొండొంటితో దండచేతులు బట్టుట. బాహా = భుజముల యొక్క. స్మరసంగరమునకున్ = మన్మథ