క. |
అంత నశాంతంబగు నీ
కాంత ప్రతాపంబు మీఁద గాఁగల గతిచేఁ
గ్రాంత మగు తన ప్రతాపం
బెంతయు జారెనొ యనం దినేశుఁడు గ్రుంకెన్.
| 39
|
చ. |
వలపులరాజు దండునకు వైచిన తోఁపు గుడారునాఁగ వె
న్నెల జలకంబుఁగాంచు రజనీగజయానకు మోడ్పుదమ్మి గు
బ్బల సమయాళి ముందె నెరిఁబట్టిన చందురుకావి నా సము
జ్జ్వలతరసాంధ్యరాగరుచి సంధిలె సౌమనసాధ్వవీథికన్.
| 40
|
40. సమయాళి = కాలమను చెలికత్తె. చందురుకావి = సిందూరపురంగుబట్ట. సౌమనస = దేవతలసంబంధమైన, అధ్వవీథికన్ = మార్గవీథియందు, అనగా నాకాశమందు.
చ. |
కొడవలి వ్రేలినట్టు దొరకూతురికిన్ వెసనిడ్డ నాభి చం
దడరఁగఁ గాంచి పంచవిశితాఖ్య తురుష్కబలంబువాఁడి కె
క్కుడు సమయంబటం చదరుగ్రోవులు గాల్పఁగ బిట్టుమందు చిం
దేడి పొగ నా నజాండమున నిండె నఖండతమఃప్రకాండముల్.
| 41
|