పుట:రాజవాహనవిజయము (కాకమాని మూర్తి).pdf/158

తృతీయాశ్వాసము

143

⁠

మోదించుచు, నరవిందబృందంబులను సోలించుచు, మొల్ల లకు నరుగుచు, మల్లెలకుం దిరుగుచు, విరవాదులం జిదు ముచు, గన్నెఱ్ఱఁజేయుచు, గన్నేరులుగోయుచుఁ, గురు వకంబుల డాయుచు, మరువకంబుల మాయుచు, సన్నజా జులం దేరుచుఁ, గన్నెమావుల నిలుచుచు, దిన్నెరావులం గొలుచుచు, మదనుమావులం బట్టుచు, నదనుతావు ల మెట్టుచుఁ, బరువులు వెట్టుచుఁ, దరువులు సుట్టుచు, మధు పతతిం దెచ్చుచు, మథుగతి న్మెచ్చుచుఁ, జిగురులు ద్రుం పుచుఁ, బొగరులు దెంపుచుఁ, బువ్వుల రువ్వుచు, గ్రొవు ల నవ్వుచు, వికవిక నగుచు, నకనక నగుచుఁ, దలతల మనుచుఁ, గొలకొల మనుచు, మరుల జరింపుచు, విరుల హరింపుచు, విహరించిరి ముకానవసరంబులు గునియ నయ్యవసరంబున.

⁠ 115

115. గట్టువాకట్టు = పర్వతముల నోరుగట్టునట్టి, చనుకట్టు = స్తనములుగల, గట్టివామిటారులు = రాగలైన స్త్రీలు, ఇది మొదలుగా కొనియాడుచు అను పర్యంతమును తుమ్మెదలయొక్క వర్ణనము. రోలంబ = తుమ్మెదలయొక్క, కుటుంబ = జాతులయొక్క, పాళి = పఙ్క్తి. తిరుపుగట్లన్ = తిరుగగా, కాసెనీలిమ = కాసెవోకయొక్క నలుపు, భసలపఙ్క్తిన్ = తుమ్మెదల బారును. పుష్పమంజరులు = ఈ పేరుగల ధాన్యమును, పువ్వులగుత్తుల ననియును. క్రాయుముసలంబు = దంపునట్టి రోకలి, తపసి = అవిసెచెట్టు, తపశ్శాలియనియును. సందుకొనుచున్ = గ్రహించుచు. ఇందిందిరావళి = తుమ్మెదలపఙ్క్తి. ఇందిరానందనుండు = మన్మథుఁడు. వాటుబల్లెంబు = దెబ్బదగులుబల్లెము. బంభరడింభక = తుమ్మెదపిల్లలయొక్క. దాటు =సమూహము. ఆమనిదొర = వసంతుఁడు. చెలికానిరాకకున్ = మన్నథుని రావడమునకు. తదీయ = ఆ యరటిచెట్టు సంబంధమైన, షట్చ