కానెనీలిమ యంచు నెంచుచు, మాటిమాటికిఁ గొరవి విరి
గుత్తిపై వ్రాలి యెగయు భసల పఙ్క్తిఁ గొమ్మ పుష్ప
మంజరులు గ్రాయు ముసలంబని గుసగుసలాడుచుఁ దపసి
చిగురాకునకుం బ్రదక్షిణంబులు సేయు భ్రమరాళికఁ
దత్పయోజబీజాక్షమాలికయని పోలికల సందుకొనుచు,
నందంద లతాకుందబృందంబులకు దూరంబారు నిందింది
రావళి యిందిరానందనుం డిందీవరగంధులపై వైచు
వాటుబల్లెంబని చాటుచు, సకలవకులముకులంబు
లపై వ్రాలు బంభరడింభకవీథి యంభోజబాణుండు
వియోగినీ కుచకుంభంబులు దాకనేయ సాయకంబులం
దగిలిన యందలి కస్తూరిబొట్టులని ప్రస్తుతింపుచుఁ, బొదలు
గడలి యెగసి నడుము నెడతెగని బారుదీరిన మగతేఁటి
దాటు నామనిదొర చెలికాని రాకకుఁ గట్టిన కలువతో
రణంబని పేరుకొనుచుఁ, దదీయదళంబున వ్రాలు షట్చ
రణరాజి రంభ వెన్నంటి రాజిలు కీలుజడయంచు నొడంబ
డచు, జుమ్ముజుమ్మున నేరేడుతండమ్ములఁగ్రమ్ము తుమ్మె
దచాలు కాలజాంబవనికాయంబులని కోయని డాయుచు,
నరవిరి బాగునం గనుపట్టు మెట్టతమ్మిరేకు తుదలం
దట్టమ్ముగా జుట్టుకొన్న పుష్పంధయశ్రేణి యారామ
రమాకరంబునకుఁ దోడుగ బల్మినిం బట్టిన నీలంపుగా జ
నుచు, గజిబిజింపుచు, నమితకుసుమితలతావితానకుంజ
పుంజోపరితిర్యక్పరీతచంచరీకరేఖ యనేకపంబునకు
వెలిపట్టుజూలు బిగియించిన వెండ్రుకత్రాఁడని కొనియా
డుచు, మరుం బాడుచు, గురువిందమ్ముల యందములను
