| గీ. |
బిట్టు కసరెత్తి మున్నీటినట్టనడిమి
కరుగఁగా జీను వైచిన తరణి యనఁగఁ
జక్కసాఁగిన రశ్మిచేఁ జుక్కఱేఁడు
సమయవశమున గగనమధ్యమున నిలచె.
| 19
|
19. కసరు = గాలివాన, జీను = లంగరు.
| సీ. |
విరహిణీజయరమాపరిణేత్రు మదనప్ర
సవదామయుతసితచ్ఛత్ర మనఁగ
మదచకోరవివాహమహితకు వెలిని నూ
ల్వెలయు జాజాలపాలిక యనంగ
వేళావణిఙ్మణి వెన్నెల జీని చ
క్కెర దూఁచ వచ్చు తక్కెడ యనంగ
నభము రేయెండ సున్నముఁ జేయ నింగి ని
ల్పిన వెండిమొక్కలిపీట యనఁగ.
|
|
| గీ. |
సారనీహార మణపువిశాఖజొన్న
విత్తు ధాత్రీతలంబున వెదలుజల్లఁ
దగులు ప్రగ్గంపుపూన్కి జడ్డిగ మనంగఁ
గిరణబాహుళ్యమున సుధాకరుఁడు పొదలె.
| 20
|
20. అణపువిశాఖజొన్న = విత్తనము లోపలి కణిగిపోవునట్లుగా వేయు విశాఖకార్తిలోని జొన్నచేను.
| గీ. |
బాంధకీబాష్పవర్షసంబంధమునకు
గర్భగృహ ముబ్బి పార గంగాధునీస
లిలము లెత్తిన పటికంపులింగ మనఁగఁ
జంద్రికాపూరితాజాండచంద్రుఁ డలరె.
| 21
|
