గీ. |
వాఁడఁ జను చాకికి ధరించు వలువ వైచి
తెట్టు తాఁగట్టు పుట్టంబుఁ గట్టి తనుచుఁ
బొరుగుసతి దాల్చు చీరపై బోరె నొకతె
యధికమధుమత్తతావృత్తి నట్టి రాత్రి.
| 15
|
15. చరిపించుకొని = సాగఁగొట్టించుకొని, గడుసుచేన్ = కఠినహస్తముచేత. అన్య (ఇది ఒకతె యను దానికి విశేషణము.)
క. |
కట్టిన దట్టి కటీతటిఁ
బెట్టిన విరిపిడియ మెక్కువెట్టిన విల్లున్
మెట్టిన యెగనాళ్ళుం గను
పట్టిన పస మారుఁ డపుడు పాంథుల వెదకెన్.
| 16
|
16. విరిపిడియము = పెద్దబాకు. ఎగనాళ్ళు = దూరదేశములు.
సీ. |
అన్యదారీకారితాప్తచేటీగతి
వ్యాజస్వవిమతసర్వస్వహరులు
గుహరీలోహముద్గరఘట్టనాభీత
మానవస్తేనతామార్గకరులు
పర్యటజ్జనబాహుబంధనదాయకా
త్మకనామతమ్మటధ్వానభరులు
ప్రతివాసరస్వయంకృతచౌర్యబలవదం
ఘ్రినతార్థవిత్తదాతృత్వపరులు
|
|
గీ. |
పరనగరికార్పితాత్మరాట్పల్లికార్థ
తస్కరపదాంకపద్ధవస్థానజనిజ
ఘోషపదజనితాజ్యాధికుతలవరులు
తలవరులు సంచరించి రాతమిని దమిని.
| 17
|