క. |
ఉడుపతి దరమిన వడిచెడి
గుడిగుండంబుల మరుంగుఁ గొని యల శశియుం
బడమటి కరిగిన వెనుకను
బడి చను తమమనఁగ నీడ ప్రాగ్దిశఁ దిరిగెన్.
| 22
|
22. బంధకీ = విటకత్తెలు.
క. |
నైలింపాయనజలధిం
దేలెడు ధవళాంశు దరము నిబిడత నక్ష
త్రాళీశుక్తిచ్ఛటతోఁ
గాలపుదెర బిట్టు వడిని గట్టునఁ బెట్టెన్.
| 23
|
23. దరము = శంకము. తెర = తరంగము.
గీ. |
తనపగతుఁ డెంతదూరంబు జనియెనొక్కొ
యనుచు నిక్కుచుఁ గను ధవళారవింద
మనఁగ మినువాఁక నంత రత్యంతతాంత
విటులు నిద్రాపటిమఁ జొక్క వేఁగుచుక్క.
| 24
|
24. ఈ పద్యమందు "పొడమె"నని క్రియ అధ్యాహారము.
క. |
ఇందుముఖుల్ సరసాంజన
సందోహంబులకు నిడ్డ సత్పాత్రాళీ
చందనలేపముఁ ద్రావిన
చందంబున దీపతతి పొసఁగె ధవళంబై.
| 25
|
25. కాటుక వేయు పళ్ళెముమీద చలవకొరకు గంధము వేతురు.
క. |
ఇనురాక కుదయరాగము
గనఁ బూనం బొరుగుచెలిమిఁ గైకొని ప్రాక్కా
మిని తనధవళాంబర మిడఁ
గనుపట్టెను దీపరేఖ ఘనగౌరవమై.
| 26
|