పుట:రాజగోపాలవిలాసము (చెంగల్వ కాళయ).pdf/203

118

శ్రీరాజగోపాలవిలాసము

గీ.⁠

ఘనత మించిన యాకృతఘ్నత్వమునకు నూహ సేయంగ నిష్కృతి యొండుగలదు దక్షిణద్వారకాపురోత్తమమునందుఁ తీర్థ మొనరు హరిద్రానదీసమాఖ్య.

⁠ 55

సీ.⁠

ఆభీరభీరూకుచాద్రులతో నేఁడు                  వియ్యమందెడునట్టి వేడ్కఁ గలిగె గోపరూపవతీసురూపేక్షణములతో                  సయ్యంబుఁ గావించు సౌఖ్య మబ్బె వల్లవపల్లవీవదనపద్మములతో                  నెయ్యంబు సవరించు నెనరుఁ గలిగె ఘోషయోషామణీకుంతలంబులతోడి                  గలసి మెలంగు విఖ్యాతి యొదవె

⁠

గీ.⁠

ననుచు రంగంత్తరంగరథాంగమీన కమలశైవాలకల్హారగరిమ మెఱయఁ దనరుచులు నెల్లదిక్కులఁ దనర నలరు ధర్మములదొంతి యలహరిద్రాస్రవంతి.

⁠ 56

గీ.⁠

అందుఁ గ్రుంకినవారల కవనినాథ! యఖిలపాపంబు లడఁగుట యబ్బురంబె? కఠినతరమైన నీకృతఘ్నత్వ మడఁగు స్నానదానంబు లచ్చట సవదరింపు.

⁠ 57

క.⁠

అని యనిచిన సమ్మదమున జననాయకుఁ డరిగె వేగ చంపకవనిలో ననఘ హరిద్రానదిఁ దాఁ గనుఁగొని నతి సేసి భక్తిగౌరవ మెసఁగన్.

⁠ 58