పుట:రాజగోపాలవిలాసము (చెంగల్వ కాళయ).pdf/202

శ్రీరాజగోపాలవిలాసము

117

క.⁠

మును మాయాశ్రమమునకును జననాయక నీవు వచ్చి సంతుష్టుఁడవై చను మే లెఱుఁగుదువో యని మన మరయ దలంచి యొక్కమార్గముచేతన్.

⁠ 50

చ.⁠

ధనములు చోరవృత్తిఁ గొన దగ్గరకిం దలవర్లు దెచ్చినన్ ననుఁ గని నీవు చాలకఠినంబులు పల్కితి మున్నెఱింగియున్ మనుజవరేణ్య! యట్టియవమానమువల్ల కృతఘ్నదోషముల్ పెనఁగొని వెఱ్ఱిజేసె నిక భీతిల కేగతి యొండు దెల్పెదన్.

⁠ 51

గీ.⁠

అకటబ్రాహ్మణఁ డుపకర్త యనఁగవలదు భూసురుండైనవాఁ డెల్ల పూజ్యు డరయ నవనినాయక! యుపకర్తయైనయట్టి విప్రు నవమతి సేసిన వేఱెకాదె.

⁠ 52

సీ.⁠

చతురంగబలములై సంరక్షణము సేయు                  బ్రాహ్మణాశీర్వాదపాటవంబు ధనధాన్యరాసులై తనుపు సంతతమును                  బ్రాహ్మణాశీర్వాదపాటవంబు ప్రాకారము లగాధపరిఘులునై కాచు                  బ్రాహ్మణాశీర్వాదపాటవంబు ప్రాసాదములు రత్నభవనంబులై యుండు                  బ్రాహ్మణాశీర్వాదపాటవంబు

⁠

గీ.⁠

బ్రాహ్మణులఁ బూజసేసి సద్భక్తితోడ నన్నపానాదు లొనగూర్చు నవనినేత యాయురారోగ్యభాగ్యంబు లనుభవించు సత్య మిదె సుమ్ము నమ్ము నాసత్యరూప.

⁠