పుట:రాజగోపాలవిలాసము (చెంగల్వ కాళయ).pdf/198

శ్రీరాజగోపాలవిలాసము

113

గీ.⁠

జగతి గెలుపులచే కొనుచామరమ్ము లధికసత్వంబులుండ నియ్యడవి వింటి కేటికని చామరమ్ముల నెల్లగొనిరి చమరులనుఁ జేరి శూరులు చెమరుబలిమి.

⁠ 33

శా.⁠

దానప్రౌఢిమ నెంచి చూచినను భూదారత్వసంరూఢిచే యేనాటం దమి నేమిటం గొదవయే మీయమ్ము లాయమ్ములన్ క్ష్మానాథుం డిటు లేయనేటి కనుగిన్కం గోలె కోలంబు లౌ రానించెన్ ప్రతిగాగ రక్తశరధారాసారముల్ మీఱఁగన్.

⁠ 34

మ.⁠

వడిగా వెన్నున నిల్వనేసిన శరవ్రాతంబు నిండార నల్ గడలన్ మిన్నులురాయు కీచకశిఖాకాండప్రకాండంబుగా పుడమిం జాఱెడు క్రొత్తనెత్తురులరొంపుల్ ధాతుపూరంబుగా నడగొండల్ వలె నుండె వన్యగజసంతానంబు లంతంతటన్.

⁠ 35

సీ.⁠

ముంచి యెత్తిన రొంపి ముకుగోళ్లఁ జిందెనా                  గగనగంగకుఁ బంకగరిమఁ జూప చింతనిప్పులు రాలు చిఱుతకన్నులడాలు                  దావకీలలకునుఁ గైదండ లొసఁగ ఝాడించి నిలిచిన స్తబ్ధరోమములచే                  బ్రహ్మాండములు తూంట్లబావలుగను ఘుర్ఘురస్వనముల గుంభినీధరముల                  గుహలసింగంబుల గుండె లవియ

⁠

గీ.⁠

వలల చించుక చెంచులవశముగాక యేకలం బొక్కఁ డుర్వీశు నెదుట నపుడు ప్రళయకాలవరాహంబు పగిది హెచ్చ వచ్చినిలిచెను ప్రజలెల్ల విచ్చిపాఱ.

⁠ 36