పుట:రాజగోపాలవిలాసము (చెంగల్వ కాళయ).pdf/197

112

శ్రీరాజగోపాలవిలాసము

గీ.⁠

వేయువిధముల వనములో వేఁటలాడి యెపుడు మెప్పింతు మిక నిప్పుడెప్పు డనెడు చెంచుదొరలునుఁ దానును చేరి యచట వేటలాడంగదొడఁగె నుర్వీవిభుండు.

⁠ 28

క.⁠

దండం బిడి చెంచొక వే దండము తొండంబువట్టి తా లాగింపన్ కొండవలెఁ బడియె దానము మెండుగ సెలయేర్లరీతి మేదిని నిండన్.

⁠ 29

గీ.⁠

లేటికెదురుగ రాఁబులి వేటసేయు భూభుజా! యమ్ము రెంటిని బొలియఁజేయ పులియు లేడియు సరిపడఁబోరిపడియె ననరి శరవేగ మెఱుఁగక యాటవికులు.

⁠ 30

ఉ.⁠

దండితనంబుమీఱ భుజదండమునం దగు నేజఁబూని వే దండముఁ జేరఁబోయి వసుధాపతి దాని మరల్ప దాని యా దండ నయుండు కొండవడి దాఁకినచప్పుడు విన్నయప్పుడే కొండను కొండ దాఁకె కనుగొండని చూతురు భిల్లవల్లభుల్.

⁠ 31

క.⁠

పులుగులుఁ జొరపిడి యొకరుఁడు వలకేలను డేగబూని వైవగ నాసన్ వలగొన నదియును నవియునుఁ దొలఁగెను బహ్వాశవలన దొరకునె ఫలముల్.

⁠ 32