పుట:రాజగోపాలవిలాసము (చెంగల్వ కాళయ).pdf/196

శ్రీరాజగోపాలవిలాసము

111

గీ.⁠

తనరు తనలోకపాలకత్వప్రసిద్ధి పరిజనులనెల్ల లోకపాలురుగఁ జేయ రాజశేఖరుఁ డనఁగ సౌరాష్ట్రదేశ రాజశేఖరుఁ డెంతయు రహి వహించు.

⁠ 24

క.⁠

ఆరాజశేఖరుండును భూరమణుఁడు వేఁడలాడఁ బోవఁదలంపన్ సూరెలనున్న జనంబులు సారెకు మృగయావిహారసన్నాహామునన్.

⁠ 25

సీ.⁠

సివ్వంగిబండ్లును చిఱుతబలంబులు                  మోటకత్తులు తెరల్ మోకురురులు పారెపాతెమ్ములు బదనికల్ తడకలు                  చిలుకుటమ్ములు చల్టిచిక్కములును వలలును బోనులు వల్లిత్రా ళ్లొడిసెళ్లు                  సెలవిండ్లు దీనుముల్ జిగురుగడలు వెటులు గ్రోవులు మనుల్ బిసలును డేగలు,                  వేపులునాదిగా వెలయునట్టి

⁠

గీ.⁠

వివిధసాధనముల వేఱువేఱఁ బూని యాగ్రహవ్యగ్రులై మృగయానుషక్తి వెల్లివిరిసినసంద్రంబువిధము మీఱ నాటవికులెల్ల తనవెంట నంటికొలువ.

⁠ 26

శా.⁠

వాహారోహ మొనర్చి పార్శ్వయుగళిన్ వల్లత్కృపాణంబులన్ బాహాదండము లొప్ప వీరరసతద్భావానుభావంబునన్ సాహాయ్యంబొనరించు రాచకొమరుల్ సన్నద్ధులై వెంటరా సాహో యంచును హెచ్చరించ విభుఁ డుత్సాహంబు సంధిల్లగన్.

⁠ 27